राष्ट्रिय सभा दलको नेतामा श्रेष्ठ

गोरखा : नेकपा माओवादी केन्द्रको संसदीय दलको नेतामा पुष्पकमल दाहाल प्रचण्ड चयन भएका छन् ।

नेकपा माओवादी केन्द्रका अध्यक्ष प्रचण्डलाई संसदीय दलको बिहीबार बसेको बैठकले सर्वसम्मत संसदीय दलको नेतामा चयन गरेको हो । प्रचण्ड गोरखा–२ बाट प्रतिनिधि सभामा विजयी वनेका थिए । यस्तै दलको प्रमुख सचेतकमा हितराज पाण्डे सर्वसम्मत चयन भएका छन् । गोरखा पालुङटार नगरपालिका–६ का पाण्डे समानुपातिकतर्फबाट सांसद चुनिएका थिए ।

त्यस्तै माओवादी केन्द्रबाट राष्ट्रियसभा संसदीय दलको नेतामा नारायणकाजी श्रेष्ठ चयन भएका छन् । बिहीबार बसेको संसदीय दलको बैठकले श्रेष्ठलाई दलको नेतामा चयन गरेको हो । माओवादी केन्द्रबाट यसअघि राष्ट्रियसभा दलको नेतामा दीनानाथ शर्मा थिए । तर, उनको कार्यकाल सकिएपनि सो पार्टीले दलको नेता चयन गरेको थिएन ।