गोरखा : पर्यटन तथा उद्योग कार्यालय गोरखाले उद्यमीलाई प्रबिधी हस्तान्तरण गरेको छ ।

दलित बिपन्न तथा पराम्परागत सीप भएकाहरुको ब्याबाशायी बिकासका लागि उपकरण र प्रबिधी हस्तान्तरण गरिएको हो । विभिन्न १२ जना उद्यमीहरुलाई सञ्चालित उद्योगको प्रबद्वनको लागि साझेदारीमा प्रबिधी हस्तान्तरण गरिएको छ । सिलाई मेसिन, चाप कटर, सानो चापकटर, कम्बाईन मिल, ढाकाको कपडा बुन्ने हाते तान लगायतको यन्त्र तथा उपकरण बितरण गरिएको पर्यटन तथा उद्योग कार्यालय गोरखाका कार्यालय प्रमुख सुर्य भुजेलले जानकारी दिए । कार्यालय प्रमुख भुजेलको अध्यक्षतमा भएको कार्यक्रममा प्रमुख अतिथी गण्डकी प्रदेशका पर्यटन बन तथा वातावरण मन्त्री रेशम जुग्जालीको आतिथ्यमा भएको थियो ।