गोरखा : सवै पक्षको सहमतिमा राष्ट्रपति चयन गर्न उपयुक्त हुने भौतिक पुर्वाधार तथा यातायात मन्त्री नारायणकाजी श्रेष्ठले बताएका छन् ।

आइतवार गृह जिल्ला गोरखामा पत्रकारसँग कुराकानी गर्दै श्रेष्ठले राष्ट्रपतिजस्तो गरिमामय उच्च पदकोवारेमा सवैको सहमतिमा निष्कर्षमा पुग्नु उपयुत्त हुने बताए । ‘प्रधानमन्त्रीले बिश्वासको मत लिनुहुदाँ संसदमा एक प्रकारको राष्ट्रिय सहमति नै देखा प¥यो, त्यही आधारमा सबै पक्ष मिलाएर सबैको सहमतिमा राष्ट्रपतिको निर्णय गर्नु उपयुक्त हुन्छ,’ उनले भने । जुनसुकै दलबाट राष्ट्रपति चयन हुन सक्ने भन्दै उनले सहमतिका लागी प्रयास भइरहेको जानकारी दिए । उनले रास्वपा सरकारबाट बाहिर गइसकेकाले गृह मन्त्रालयबारे सोच्न नहुने बताए । राजनीतिक कामको व्यवस्थाका कारण केही ढिलाइ भएपनि अव केही दिनमै गृह मन्त्रीको टुङ्गो लाग्ने उनले जानकारी दिए ।