गोरखा : जिल्ला स्तरीय अन्तरपालिका माध्यमिक विद्यालय राष्ट्रपति रनिङ शिल्ड प्रतियोगीताका लागि विभिन्न पालिकाहरुले पालिका स्तरीय राष्ट्रपति रनिङ शिल्ड गरेका छन् ।

सिरानचोक, धार्चे, गण्डकी, शहिद लखन, भिमसेन थापा, गोरखा नगरपालिका तथा पालुङटार नगरपालिकामा पालिका स्तरीय राष्ट्रपति रनिङ शिल्ड प्रतियोगीता सम्पन्न भएका छन् । शहिद लखन गाउपालिकामा माघ २८ गतेबाट शुरु भएको प्रतियोगीता सोमबार सम्म संचालन भएको थियो । प्रतियोगीतामा ११ वटा विद्यालयले सहभागीता जनाएका थिए । अन्य पालिकाले पनि जिल्ला स्तरीय राष्ट्रपति रनिङ शिल्ड पुर्व पालिका स्तरीय प्रतियोगीता गर्दै छन् । दशौ जिल्ला अन्तरपालिका माध्यमिक विद्यालय राष्ट्रपति रनिङ शिल्ड प्रतियोगीता फागुन १६ देखि १८ गते सम्म सदरमुकाम स्थित हरमटारी खेलकुदमैदानमा हुने छ ।
‘राष्ट्रका लागि खेलकुद, स्वास्थ्यका लागि खेलकुद, सवैका लागि खेलकुद’ भन्ने नाराका साथ हुने जिल्ला स्तरीय प्रतियोगीतामा करिव आठ सय खेलाडीको सहभागीता हुने छ ।

जिल्ला स्तरीय प्रतियोगीतामा ३६ विधाका खेल हुनेछन् । भलिवल, कवड्डी, एथलेटिक्स, तेक्वान्दो, कराते, हाइजम्प, लङजम्प, त्रिपलजम्प, ज्याभलिन थ्रो सटपुट लगायतका खेल हुने छन् । १८ बर्ष मुनीका खेलाडीले प्रतियोगीतामा भाग लिन पाउछन् । जिल्ला स्तरमा छनौट भएका खेलाडी फागन २० देखि २२ सम्म सम्म गण्डकी प्रदेश अन्तरगत पोखरामा हुने प्रतियोगीतामा भाग लिन पाउने छन् ।