गोरखा : आगामी वैशाख ६ गते देखि ९ गते सम्म चुमनुव्री गाउँपालिका–७ छेकम्पारमा हुने चुम शताब्दी श्याग्या महोत्सव संचालनका लागि एक करोड २६ लाख ३५ हजार खर्च हुने अनुमान गरिएको छ ।

आयोजक चुम शताब्दी श्याग्या महोत्व मुल समारोह समितिले वुधबार पत्रकार सम्मेलन गरी महोत्सव संचालनका लागि लाग्ने खर्च पालिका, विभिन्न सहयोगी तथा समुदायबाट जुटाउने जनाएको हो । छेकम्पारको राजेन गुम्वामा हुने महोत्सवको प्रधानमन्त्रीबाट उद्घाटन गर्ने तय भएको छ । प्रधानमन्त्रीबाट चुम उपत्यका अंिहसा क्षेत्र घोषणामा हस्ताक्षर गरी अनुमोदन तथा चुम उपत्यकाको स्थानीय समुदायद्धारा संरक्षित चार किल्ला घोषणा कार्यक्रमको पनि तय भएको छ । विस १९७७ मा अवतारी डुक्पा लामा सेरा दोर्जेलले आफ्नो तपोभुमि चुम उपत्यकामा अहिसा सम्वन्धी लिखित निर्णयमा समुदायका सवैलाई हस्ताक्षर गरि प्रतिवद्धता जनाएका थिए । अहिंसा क्षेत्र घोषणा भएको एक सयको वर्षको अवसरमा २०७७ सालमा महोत्सव आयोजना गरिएपनि कोराना महामारीले स्थगित भएको थियो ।

प्राचिन समय देखिको संस्कृति तथा परम्परागत अभ्यासका रुपमा रहेको अहिसाको निति तथा अभ्यासहरुलाई निरन्तरता दिने र सो को संरक्षण तथा सम्वद्र्धन गर्ने उदेश्ले महोत्सव आयोजना गरिएको आयोजक मुल समारोह समितिका संयोजक निमा लामाले बताए । परम्परागत संस्कृति, अभ्यास तथा प्रथाजन्य नितिका पमा रहेको अहिसाको निति तथा अभ्यासहरुबारे जनचेतना अभिवृद्धि गर्दै मनासलु संरक्षण क्षे ब्यवस्थापनले अवलम्वन गरेको संरक्षणको त्रियाकलपाहरुमा परिपुरकको भुमिका निर्वाह गर्ने तथा प्रकृति र संस्कृतिको संरक्षणका रुपमा प्रवद्र्धन गने उदेश्यले महोत्सवको आयोजना गरिएको हो । ‘अहिंसा क्षेत्रको अभियान,चुमवासीको पहिचान भन्ने नाराका साथ महोत्सव हुन लागेको हो ।