गोरखा : आफु प्रधानमन्त्री भएपछि अर्थतन्त्रमा सुधारको सकेत देखिएको प्रधानमन्त्री पुष्पकमल दाहाल प्रचण्डले बताएका छन् ।

आइतबार दिल वहादुर रम्तेलको स्मृति दिवस तथा तेस्रो वारपाक सुलिकोट रनिङ शिल्ड प्रतियोगीताको समापन कार्यक्रमलाई सम्वोधन गर्दै मेघा प्रोजेक्ट र शुसासन मार्फत आफ्नो कार्यकाल स्मरणयोग्य वनाउने प्रचण्डको भनाइ छ ।

राष्ट्रपति निर्वाचनको सन्दर्भमा एमाले सँग लगातार कुराकानी भइरहेको र २५ गते सम्म सर्वसम्मतको प्रयास भइरहेको उनले बताए । ‘नेकपा एमाले सँग पनि लगातार हाम्रो कुरा भइरहेको छ, २५ गते सम्म जाँदा राष्ट्रपतिमा सर्वसम्मत भयो भने धेरै राम्रो हुन्छ,’ उनले भने,‘नभय नयाँ यात्रा स्थायित्व र विकासका निम्ति सहयोगी वन्ने विश्वास लिएको छु ।’ निर्वाचन अघि तालमेल भएका दलहरु फेरि एक ठाउँमा आएको उनले बताए । चुनावी दौरानको क्रममा गरेको वाचा प्रति प्रतिवद्ध रहेको दाहालले बताए ।

धुले सडकल कालोपत्रे, वुढीगण्डकी जलविद्युत आयोजनाको निर्माण, वेनिघाट लार्के सडक निर्माण, पालुङटार यारपोर्ट र रवर उद्योग चालनका विषय आफुलाई स्मरण रहेको उनले बताए । जनयुद्ध र जनआन्दोलनमा ज्यान गुमाएकाहरुलाई राष्ट्रिय शहिद घोषणा गर्ने पनि प्रचण्डले बताए । वाकी जिवन विकास र समृद्धिका लागि खर्चने प्रधानमन्त्री प्रचण्डको भनाइ छ । वारपाक सुलिकोटमा भएको कार्यक्रममा दाहालले जनयुद्धका प्रथम सहित दिल वहादुर रम्तेलका वुवा सेते रम्तेल र आमा सरिमायाँ रम्तेल लगातका जनयुद्धमा ज्यान गुमाएका परिवारलाई दोसल्ला ओडाएर सम्मान गरेका थिए ।

जनयुद्धमा ज्यान गुमाएकालाई राष्टिूय शहिद घोषणा गर्ने पनि दाहालले बताए । उत्त कार्यक्रममा प्रतिनिधि सभा सदस्य तथा मुख्य सचेतक हितराज पाण्डे, गाउँपालिका अध्यक्ष विष्णु भट्ट, उपाध्यक्ष सनमायाँ गुरुङ लगायतले मन्तब्य राखेका थिए । आइतबार नै प्रधानमन्त्ती प्रचण्डले पालुङटारको सभालाई पनि सम्वोधन गरेका छन् । नगरपालिकाका जनप्रनिधि तथा कर्मचारी संग भेटघाट कार्यक्रम पनि भएको थियो ।