प्रधानमन्त्री पुष्पकमल दाहाल आज(मंगलबार) प्रचण्ड गोरखा आउने भएका छन् ।
पन्थडिही–कटहरे–हर्मी–साहिलिटार सडक स्तरोउन्नती योजनाको शिलन्यासका लागि प्रधानमन्त्री प्रचण्ड गोरखा आउने तय भएको हो । दाहाल सँगै पुर्व प्रधानमन्त्री डा वावुराम भट्टराइ र उपप्रधानमन्त्री एवं भौतिक पुर्वाधार तथा यातायात मन्त्री नारायणकाजी श्रेष्ठ पनि उत्त कार्यक्रममा सहभागी हुने छन् । उत्त सडक २० किलोमिटर सडक स्तरोउन्नतीका लागि ठेक्का लागेको छ । योजना अन्तर्गत पन्थहिटी देखि साहिलटारसम्मको झण्डै साढे २० किलोमिटर सडक चौडा गर्ने, नाली र टेवा पर्खाल निर्माण गर्ने तथा डबल लेन कालोपत्रे हुनेछ । भारतीय एक्जिम बैंकसँगको विकास साझेदारीमा निर्माण हुने योजनाको लागत ८० करोड रुपैयाँ छ ।
वूड हिल÷लामा जेभी, महाराजगञ्जले ३० महिनामा सक्नेगरी ठेक्का पाएको यो सडक योजनाबाट गोरखाको पालुङटार नगरपालिका एवम् सिरानचोक गाउपालिकाको छोप्राक र अजिरकोट गाउँपालिका तथा लमजुङको राइनास र दुधपोखरी नगरपालिकाका विभिन्न वडाबासीहरू लाभान्वित हुनेछन् । यो योजनाबाट गोरखा र लमजुङका गरी करिब चार लाख ३० हजार भन्दा बढी जनसंख्या लाभान्वित हुने सडक विभागले अनुमान गरेको  छ ।