२०७२ वैशाख १२ को भूकम्पको केन्द्रविन्दु बारपाकमा निर्माणाधिन भूकम्प स्मृति पार्कको काम रोकिएको छ ।
भूकम्पमा दिंवगत भएकाहरुको नाम प्राप्त नहुँदा आठ महिना देखि काम अघि वढ्न सकेको छैन । पार्क भित्रको स्मृति स्तभ्भमा भूकम्पबाट अति प्रभावित १४ जिल्लाका भूकम्पमा परी दिवंगत भएकाहरुको नाम राख्ने योजना वनाइएको थियो । त्यसका लागि छुट्टा÷छुट्टै १४ वटा स्तभ्भ तयार भएको छ । गृहमन्त्रालय सँग नाम उपलब्ध गराउन आग्रह गरिएपनि उपलब्ध नहुँदा काम अघि वढाउन नसकिएको संघीय आयोजना कार्यन्वनय इकाई पोखराका इन्जिनियर विरवल सुनारले बताए । स्मृति स्तभ्भको ९५ प्रतिशत काम सकिएको छ । गृहमन्त्रालयबाट प्राप्त नाम मात्र आधिकारीक हुने उनले बताए । ‘गृहमन्त्रालय सँग नाम मागेका थियौँ, प्राप्त भएको छैन,’ उनले भने । भूकम्पमा परी मृत्यू भएकाको नाम १४ वटा स्तभ्भमा लेख्ने योजना छ ।
सम्वन्धित जिल्ला प्रशासन कार्यालय मार्फत नाम संकलन गरेर भिक्तामा लेख्ने योजना बनाइएपनि अहिले नाम प्राप्त नहुूदा काम रोकिएको हो । स्मृति स्तभ्भ निर्माणको जिम्मा स्वच्छन्द÷होम निर्माण जेभिका पाएको छ । २०७४ मंसिर १४ गते ठेक्का सम्झौता गर्दा ३० महिना भित्र सक्ने लक्ष्य राखिएको थियो । भौगोलिक विकटता र कोरोना महामारी समयमै काम सम्पन्न हुन नसकेको स्मृति स्तभ्भ निर्माणको काम अन्तिम चरणमा पुगेर रोकिएको हो । स्मृति पार्कमा स्मृति स्तभ्भ, वगैचा दुइ शौचालय, एक चेमेनागृह, पार्कीङ स्थल, सडक लगायतका संरचना वन्ने छन् । १३ करोड ७ लाख १५ हजारको लागतमा स्मृति पार्क निर्माण शुरु भएको हो । स्मृति स्तभ्भले पुर्णता पाए वारपाक पुग्ने आगन्तुकको संख्या अझै वढ्ने अपेक्षा गरिएको छ । पछिल्लो समय वारपाक घुम्न जाने आन्तरिक पर्यटक वढेका छन् ।