प्रधानमन्त्री पुष्पकमल दाहाल प्रचण्डले सिर्दिवास–लोक्पा–चुम्चेत–छेकम्पर सडक निर्माण कार्य सरकारको प्राथमिकतामा रहेको वताएका छन् ।
चुमनुव्री गाँउपालिका वडा नं. ७ स्थित राजेन गुम्वामा चुम श्याग्या शताब्दी महोत्सव उद्घाटन गर्दै प्रधानमन्त्री दाहालले चुमनुब्रीको गाँउपालिका भौगोलिक रुपमा विकटता रहेकोले पनि यस क्षेत्रको विकासमा सरकारको ध्यान पुग्ने बताए ।
कोेभिड माहामारीका कारण बन्द भएको सिमानाका खोल्ने प्रक्रिया पनी अघि बढाउने प्रधानमन्त्री दाहालले बताए । सोही कार्यक्रममा प्रधानमन्त्री दाहाललाई चुमनुव्री गाँउपालिकाका अध्यक्षा निमा लामाले सिर्दिवास –छेकम्पार सडक निर्माण, हेलिकप्टर उडानमा सहजता गरिदिने लगायतका मागपत्र समेटिएको ज्ञापन पत्र पेश गरेका थिए ।
कार्यक्रममा उपप्रधान तथा गृहमन्त्री नारायणकाजी श्रेष्ठ, गोरखा निर्वाचन क्षेत्र नम्बर १ का सांसद राजेन्द्र बजगाइ, पूर्व सांसद हरीराज अधिकारी, प्रमुख जिल्ला अधिकारी दिनेशसागर भुषाल लगायतको उपस्थिति रहेको थियो । कार्यक्रम उद्घाटन पश्चात प्रधानमन्त्री दाहाल नेपाली सेनाको हेलिकप्टरबाट फर्किएका छन् ।