२०७२ सालको विनाशकारी भूकम्पको इपिसेन्टर गोरखाबाट निर्वाचित कांग्रेस सांसद राजेन्द्र बजगाईंले पुनर्निर्माण, राहत तथा उद्धारमा काम गरेका राष्ट्रिय र अन्तर्राष्ट्रिय गैरसरकारी संस्थाहरुमाथि सरकारले भ्याटको बन्दुक चलाएको बताएका छन् ।
प्रतिनिधिसभाको बुधबारको शून्य समयमा बोल्दै सांसद बजगाईंले सरकारले भूकम्पमा काम गरेका एनजीओ आईएनजीओहरुमाथि भ्याट गन चलाएको आरोप लगाए । उनले भने, ‘भूकम्पमा उनीहरुले धेरै राम्रो काम गरे । अहिले आएर आर्थिक वर्ष २०७४÷७५ देखिकै १३ प्रतिशत भ्याट बिलको बन्दुक चलाइएको छ । दातृ निकायसँग कसरी अहिले आएर ३ प्रतिशत भ्याट रकम माग गरियो ?’ सांसद बजगाईंले राष्ट्र बैंक शेयर बजारमाथि अझै पनि निर्मम भइरहेको भन्दै सरकारसँग साबिकमा भएको व्यवस्थाबमोजिम नै बैंक तथा वित्तीय संस्थाहरुलाई क्रस होल्डिङ नहुने गरी शेयर बजार खरिदमा खुला गर्नुपर्ने बताए ।