मंसिर ४ को निर्वाचनमा चर्चामा रहेको गोरखा–२ बाट निर्वाचित सांसद प्रधानमन्त्री र गण्डकी प्रदेशका मुख्यमन्त्री वनेका छन् ।
गोरखा–२ को प्रतिनिधि सभा निर्वाचनमा निर्वाचित नेकपा माओवादी केन्द्रका अध्यक्ष समेत रहेका पुष्पकमल दाहाल प्रधानमन्त्री छन् । विहिबार गोरखा २(२) प्रदेश सभामा निर्वाचित सुरेन्द्र राज पाण्डे पनि गण्डकी प्रदेशको मुख्यमन्त्रीमा नियुत्त भएका छन् । गोरखा क्षेत्र नम्बर २ जौवारी घर भएका नारायणकाजी श्रेष्ठ राष्ट्रिय सभा सांसद छन् । माओवादीका वरिष्ठ उपाध्यक्ष श्रेष्ठ उपप्रधान तथा गृहमन्त्री पनि छन् । यस्तै गोरखा २ कै हितराज पाण्डे समानुपातिकतर्फबाट माओवादी केन्द्रमा सांसद छन् । माओवादीका सचिव रहेका उनी प्रमुख सचेतक समेत हुन् । गोरखा २ कै कमला पन्त कांग्रेसबाट राष्ट्रिय सभा सांसद छिन् । गोरखाबाटै प्रदेश सभामा निर्वाचित वनेका कृष्ण धिताल पनि गण्डकी प्रदेशका सभामुख छन् ।
गत मंसिरमा भएको चुनावमा गोरखा २ चर्चामा रहेको थियो । चितवन छाडेर नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ गोरखा २ उम्मेदवार बनेका थिए । चुनावपछि प्रचण्ड (गत पुस १० गतेदेखि) प्रधानमन्त्री छन् । चुनाव प्रचारप्रसारका प्रचण्डले चुनाव जितेपछि आफु प्रधानमन्त्री र सुरेन्द्रराज पाण्डे मुख्यमन्त्री बन्ने भन्दै मतदातामाझ प्रस्तुत हुन्थे । पाण्डे नेपाली कांग्रेसका केन्द्रीय सदस्य हुन् । प्रचण्ड चुनाव उठेकै क्षेत्र गोरखा २ को प्रदेश सभा क्षेत्र २ बाट पाण्डे गण्डकी प्रदेश सभा सदस्य निर्वाचित भएका हुन् । प्रचण्डले चुनावका बेला आफू प्रधानमन्त्री र सुरेन्द्रराज पाण्डे मुख्यमन्त्री बनेपछि गोरखामा विकास निर्माणले गति लिने दाबी गरेका थिए । गोरखा २ मा चुनाव लड्न नेपाली कांग्रेसले पाण्डेको नाम एकल सिफारिस गरेको थियो । तर गठबन्धन हुने, प्रचण्ड नै उम्मेदवार हुन आउने भनेपछि पाण्डे प्रदेश सभामा उम्मेदवार भए । प्रधानमन्त्री र मुख्यमन्त्री भएमा गोरखाका बाटाघाटा कुनैमा पनि धुलो नउड्ने भन्दै चुनावी प्रचारको क्रममा मतदातालाई आश्वस्त गरिएको थियो । प्रतिनिधि सभामा जितेका प्रचण्ड प्रधानमन्त्री र प्रदेश सभामा जितेका पाण्डे मुख्यमन्त्री बनेको गोरखा २ अरू सांसदले कार्यकारी भूमिका पाउने सम्भावना छ ।