क्यान महासंघले ‘राष्ट्रिय सञ्चार तथा सुचना प्रविधि दिवस २०८०’ को अवसरमा साइवर अपराध र साइवर सुरक्षा सम्वन्धि गण्डकी प्रदश स्तरीय सचेतना कार्यक्रम गर्ने भएको छ ।
वैशाख २३ गते शनिबार सदरमुकाममा सचेतना कार्यक्रम गर्न लागेको सोमबार पत्रकार सम्मेलन गरि जानकारी गराइएको छ । नेपाल सरकार सञ्चार तथा सुचना प्रविधि मन्त्रालय, नेपाल दुरसञ्चार प्राधिकरणको सहयोगमा सचेतना मुलक कार्यक्रम गर्न लागिएको हो । सेवा प्रदायकहरु र प्रयोगकर्ता हरुमा सञ्चार तथा सुचना प्रविधि प्रयोग र यसको प्रयोगबाट हुन सक्ने साइवर अपराध र साइवर सुरक्षा को सचेतना गराउनु अहिलेको सान्दर्भिकता देखिएको क्यान गोरखाका अध्यक्ष सुदिप कोइरालाले बताए । कार्यक्रममा सरकारी कार्यालयका सुचना अधिकारी, कम्प्यूटर अप्रेटर, सुरक्षा निकायका प्रतिनिधि तथा उत्त विषयमा रुचि राख्ने एक सय भन्दा वढीको सहभागीता रहने क्यान गोरखाले जनाएको छ । ‘वयवसाइटहरुको सुरक्षा, सामाजिक सञ्जाल चलाउने तरिकावारे सचेतना दिन्छौँ,’ उनले भने । विभिन्न सरकारी निकायका वेवसाइटहरु, वैक तथा वित्तीय क्षेत्रका वेवसाइटहरु लगायतका निजि क्षेत्रबाट सञ्चालित औद्योगिक÷ब्यवसाय प्रतिष्ठानका समेत वेवसाइटहरु ह्याक भएको, डाटाको सुरक्षा प्रयोगकर्ताहरुमा सुरक्षा चुनौती देखिएको छ । इन्टरनेटको माध्यमबाट विभिन्न सामाजिक सञ्जाल, इमेल, मेसेन्जरहरु मार्फत ब्याक्ति, गिरोहहरुले अपराधिक कार्य, ठगी गर्ने जस्ता गलत कार्य गरी दुख दिने लगायतका गभ्भिर अपराधका घटनाहरु घटाउने गरेका छन् । सुरक्षा चुनौती सँग समाना गर्न सरकार, सेवा प्रदायक संघ संस्था निकाय हरु सवैले गरिरहेको र अवका दिनमा अवलम्वन गर्नू पर्ने सुरक्षाका उपायहरुको कार्यका वारेमा जानकारी प्राप्त गर्न र पहल गर्नु आवश्यकता रहेको कोइरालले बताए । क्यान महासंघ गोरखामा कम्प्यूटर तथा आइसिटि ब्यवसाय भएका फर्महरु संस्थागत सदस्य, आइसीटी विज्ञहरु, आईसीटी टुललाई माध्यम वनाइ कार्यरत प्रोफेसनलहरु, एक्सपर्टहरु, पत्रकार, आइसीटीका विद्यार्थीहरु र ब्याक्तिगत सदस्य गरि ५६ सदस्य छन् । कार्यक्रममा क्यान गोरखाका संस्थापक अध्यक्ष अशोक वावु राना र क्यान गण्डकी प्रदेशका उपाध्यक्ष प्रेमध्वज थापा लगायतले कार्यक्रमको वारेमा जानकारी गराएका थिए ।