लक्जम्वर्गका विकास सहयोग तथा मानवीय सहायता(परारष्ट्र) मन्त्री फान्ज फायटले गोरखा भ्रमण गरेका छन् ।
वुधबार मन्त्री फायटले गोरखा अस्पतालको अवलोकन गरेका थिए । उक्त देशले भुकम्प पछि करिव ५ वर्ष गोरखा अस्पतालमा फिजियोथेरापी सेवामा सहयोग गरेको थियो । गोरखा नगरपालिका–७ हिलेपानीमा एक सेवाग्राहीलाई पनि भेटेका छन् । उक्त सरकारको परियोजना अन्तरगत उनले बंगुर पालन गरेकी छन् । फायटले गोरखा नगरपालिका– ८ मा जिविकोपार्जन सहयोग अन्तरगत बाख्रा पालन कार्यक्रम समेत अवलोकन गरे । करिव ३ घण्टा गोरखामा विताएका मन्त्रीलाई गोरखा नगरपालिकाको उप प्रमुख मसली माया थोकर, गोरखा अस्पतालको व्यवस्थापन समिति, एकिकरण नेपाल गोरखाले स्वागत गरेको थियो । मन्त्री फ्रान्जले परियोजनाको दिगोपनामा चासो राखेका थिए । भ्रमण टोलीमा नेपालको लागि राजदुत पेग्गी फ्रान्टजेन, विकास सहयोग तथा मानवीय साहयता निर्देशक क्रिस्टोफ सिल्ज, विकास सहयोग तथा मानवीय साहयता नागरिक समाज र गैर सरकारी संयोजक सिल्भी दस सन्तोस, ह्याण्डीक्याप लक्जम्वर्गको निर्देशक म्हेदीमग्हर, नेपालको निर्देशक पाउलिन नादिम डुकोस लगायत उच्च अधिकारीहरुको संग्लनता रहेको थियो । उक्त देशले ह्याण्डी क्याप इन्टरनेशनल तथा एकिकरण नेपाल संगको सहकार्यमा गोरखामा समावेशी शिक्षा, समावेशी जिविकोपार्जन र फिजियाथेरापी तथा पुनस्र्थापना कार्यक्रम संचालन गरेको थियो । सन् २०१७ वाट सुरु गरेको उक्त कार्यक्रम सन् २०२२ मा समापन भएको छ ।