क्यान महासंघले साइवर अपराध र साइवर सुरक्षा सम्वन्धि सचेतनामुलक कार्यक्रम गरेको छ ।
शनिबार सदरमुकाममा सेवा प्रदायकहरु र प्रयोगकर्ता हरुमा सञ्चार तथा सुचना प्रविधि प्रयोग र यसको प्रयोगबाट हुन सक्ने साइवर अपराध र साइवर सुरक्षा सम्वन्धि सचेतनामुलक कार्यक्रम गरिएको हो । कार्यक्रममा एकसय भन्दा वढीको सहभागीता रहेको थियो । इन्टरनेटको माध्यमबाट विभिन्न सामाजिक सञ्जाल, इमेल, मेसेन्जरहरु मार्फत ब्याक्ति,गिरोहहरुले अपराधिक कार्य, ठगी गर्ने जस्ता गलत कार्य गरी दुख दिने लगायतका गभ्भिर अपराधका घटनाहरु घटाउने गरेका छन् । सुरक्षा चुनौती सँग समाना गर्न सरकार, सेवा प्रदायक संघ संस्था निकाय हरु सवैले गरिरहेको र अवका दिनमा अवलम्वन गर्नू पर्ने सुरक्षाका उपायहरुको कार्यका वारेमा जानकारी गराइएको थियो । सफ्टवयर इन्जिनियर तथा क्यान महासंघका केन्द्रिय सदस्य सुवास खड्काले कार्यक्रमको सहजिकरण गरेका थिए । कार्यक्रममा गोरखा नगरपालिकाकी उपप्रमुख मसली मायाँ थोकर, क्यान गण्डकी प्रदेश उपाध्यक्ष प्रेमध्वज थापा, क्यान गोरखाका संस्थापक अध्यक्ष अशोक राना, क्यान गोरखाका अध्यक्ष सुदिप कोइराला लगायतका सहभागीता रहेको थियो ।