गोरखाः सडक अनुशासन र सवारी दुर्घटना न्यूनिकरण्का लागि ट्रफिक सप्ताह शुरु भएको छ ।
सोमबारबाट शुरु भएको टूाफिक सप्ताह अन्तरगत सडकका खाल्डा खुल्डी पुर्ने, पैदलयात्रुलाई वाटो काट्न सिकाउने, चालक सहचालकको स्वास्थ्य जाँच,सडक प्रयोगकर्ता र विद्यालयका विद्यार्थीलाई ट्राफिक सचेतना लगायतका गतिविधि हुनेछन् । ट्राफिक सप्ताहको पहिलो दिन सोमबार प्रभातफेरि गरिएको थियो । ट्राफिक सप्ताहको उद्घाटन समारोहमा वोल्ने वक्ताहरुले ट्राफिक नियमको पालनामा ध्यान नदिदा जोखिम वढेको बताए । ट्राफिक नियमको पालनामा जनसमुदाय पनि सचेत हुनुपर्ने वक्ताहरुको भनाइ थियो । गोरखामा यातायात साधन वढेको र पार्किङ स्थल कम भएको गोरखा नगरपालिकाका नगर प्रमुख कृष्ण रानाले बताए । ‘पार्किक स्थल ब्यवस्थीत बनाउन केहि प्रयास शुरु गरेका छौ, विपि चोकमा ट्याक्सीको पार्किङ स्थल वनेको छ, खोलखोले क्षेत्रमा पनि पार्किङ स्थल वनाउने प्रयास भइरहेको छ,’ उनले भने । डण्डीडाडामा निर्माण भएको वसपार्कलाई कसरी सेंचालन गर्न सकिन्छ भन्ने वारे पनि छलफल चलिरहेको उनले बताए । कार्यक्रममा प्रमुख जिल्ला अधिकारी दिनेश सागर भुसाल, जिल्ला प्रहरी कार्यालय गोरखाका प्रमुख अनुपम श्रेष्ठ, यातायात ब्यवसायी लगायतका सरोकारवालाको उपस्थिति रहेको थियो ।