गोरखाः पालुङटार नगरपालिका क्षेत्रको जग्गा नौ भागमा वर्गिकरण गरिएको छ । भु उपयोग नियमावली अनुसार जग्गाको वर्गिकरण गरेपछि किक्ताबाट पनि शुरु भएको छ ।

कृषि, आवासीय, सार्वजनिक उपयोग, ब्यवसायीक, सास्कृतिक तथा पुरातात्वीक, बनक्षेत्र, खोला तथा सिमसार, औधोगिक क्षेत्र, खानी तथा खनिज क्षेत्र सहित नौ भागमा जग्गाको वर्गिकरण गरिएको छ । नगर क्षेत्रका १० वटै वडाका जग्गा वर्गिकरण गरिएको हो । नगरपालिकाको स्थानीय भु उपयोग परिषदको वैशाख ३० गते वसेको वैठकले भुउपयोग क्षेत्र वर्गिकरण सम्वन्धी प्रतिवेदन स्वीकृत गरेको थियो । स्वीकृत भुउपयोग क्षेत्रको वर्गिकरण नापी र मालपोत कार्यलयमा पेश भइसकेको छ ।

३७.१५ प्रतिशत क्षेत्र वर्गिकरण अनुसार पालुङटार नगरपालिकाको कृषि भुभागमा परेको छ । ३२.९० प्रतिशत आवासीय, २५.४७ प्रतिशत वन क्षेत्र,२.४३ प्रतिशत सार्वजनिक उपयोग,०.१ प्रतिशत औद्योगिक क्षेत्र रहेको छ । नियमावली कार्यन्वयनका लागि २०७९ जेठ २७ गते पत्र प्राप्त भएयता किक्ताकाट र अंशवण्डाको काम रोकिएको थियो । ११ स्थानीय तह रहेको गोरखामा सवैभन्दा पहिले पालुङटार नगरपालिकाले जग्गाको वर्गिकरण गरेको हो ।

स्थानीय तहले जग्गाको वर्गिकरण गरेपछि मात्र किक्ताकाट किक्ताकाट गरिने प्रावधान छ । नापी विभागले उपलब्ध गराएको नापीनक्सामा कतिपय किक्ता नम्वर नवुझिने भएकाले त्यसलाइ पनि हालको मापदण्ड अनुसार नै भुउपयोग क्षेत्रमा वर्गिकरण गरिएको छ । जग्गाधनी दर्ता प्रमाणपुर्जामा भुउपयोग क्षेत्र वर्गीकरणको ब्यहोरा अद्यावधी गर्न नगरपालिकाले सुचना पनि जारी गरेको छ ।