गोरखाः अवैध रुपमा घरमा पालन गरिएको अवस्थामा वरामद भएको हुचिललाई प्राकृतिक वासस्थानमा छाडिएको छ । जेठ १७ गते दुइ हुचिल सहित शहिद लखन गाउपालिकाका मोहन सिं थापा र विकास थापालाई प्रहरीले पक्राउ गरी डिभिजन वन कार्यलयमा वुझाएको थियो ।

बरामद भएको हुचिल १२ दिनपछि सोमबार शहिद लखन गाउपालिका–६ स्थित तामली भिरमा लगेर छाडिएको डिभिजन वन कार्यलय गोरखाले जनाएको छ । हुचिल रातका समयमा स्वतन्त्र रूपमा सक्रिय हुने प्रजातिको पक्षी भएकाले कृत्रिम बासस्थान र आहाराबाट लामो समयसम्म बचाउन कठिन हुने जनाउँदै प्राकृतिक बासस्थानमै सुरक्षित छाड्न जिल्ला अदालत गोरखाले निर्देशन दिएको थियो ।

जनप्रतिनिधि, स्थानीय र प्रहरीको रोहवरमा हुचिललाई प्राकृतिक वासस्थानमा छाडिएको हो । हुचिललाई साविकको वासस्थान वाहेक अन्य ठाउमा छाड्दा आहारमा समस्या हुने देखिएपछि सजिलै प्राकृतिक बासस्थानमा घुलमिल हुने ठाउमा छाडिएको डिभिज वन कार्यलय गोरखाले जनाएको छ ।

हुचिल सहित पक्राउ परेकाहरुलाई जिल्ला अदालतमा अवैध वन्यजस्तुको ओखेटोपसार ओसारपसार मुद्धा दर्ता गरि अनुसन्धान भइरहेको छ । आरोपित विरुद्ध अन्तिम प्रतिवेदन सहित अदालतमा पेश गर्ने तयारी भइरहेको कार्यलयले जनाएको छ ।