गोरखाः गोरखा नगरपालिका–८ ढुङ्गगाढेमा वस दुर्घटना हुँदा १२ जना घाइते भएका छन् ।
दुर्घटनाका गभ्भिर दुइ जना घाइतेको चितवन स्थित भरतपुर मेडिकल कलेज र अन्यको गोरखा अस्पतालमा उपचार भएको थियो ।

गोरखाबाट आरुघाट जादै गरेको ना ७ ख ७२११ नम्वरको वस तिव्र गतिका कारण अनियन्त्रीत भएर दुर्घटना भएको प्रहरीले जनाएको छ । दुर्घटनामा आरुघाट गाउपालिकाका ५५ वर्षिय खड्क वहादुर घले र गोरखा नगरपालिका(१४ देउरालीकी २७ बर्षिय कमला पन्त सख्त घाइते भएकी छिन् । उनिहरुको पेट छातीमा चोट लागेको अस्पतालले जनाएको छ ।

दुर्घटनामा चितवनकी मनकुमारी पाण्डे, जानुका श्रेष्ठ, जेनिसा श्रेष्ठ, भिम गुरुङ, गोरखा नगरपालिका–१ ताप्लेकी मिना थापा, वडा नम्वर ४ फिनामका गोपाल विक, लमजुङ घर भएका प्रकाश परियार, आरुघाट गाउपालिका–१ मान्वुका आश वहादुर गुरुङ सामान्य घाइते भएका थिए । त्यस्तै आरुघाटका मनकुमारी दाहाल, भिमसेन थापा गाउपालिका–५ वगुवाका घनश्याम भट्ट सामान्य घाइते भएका छन् । उनिहरुको गोरखा अस्पतालमा उपचार भएको थियो । वुधबार विहान ११ वजे वस दुर्घटनामा परेको थियो ।