गोरखाः जिल्ला प्रशासन कार्यलय गोरखाले त्रि.वि. टिचिङ हस्पिटल, काठ्माण्डौमा स्तन क्यान्सर भई उपचाररत पालुङटार–७ कि ३० बर्षिय रविना माया दरैलाई अस्पतालमै पुगेर नागरिता प्रदान गरेको छ ।

आवश्यक सवै प्रकृया पुरागरी नागरिकता उपलब्ध गराइएको प्रशासन कार्यालयले जनाएको छ । नागरिकता नहुँदा उनी बिपन्न गरिक औषधि उपचार कोष निर्देशिका, २०७५ लगायतका आधारमा प्राप्त हुने अवसर आर्थिक सहायताबाट वञ्चित रहनुपरेको थियो । प्रशासनमा उपस्थित हुन असहज अवस्था रहेकोले श्रीमानको सनाखत लगायत आवश्यक प्रकृया पुरा गरि सार्वजनिक विदाका दिन शनिबार काठमाडौ पुगेर नागरिकता प्रदान गरिएको हो ।

नागरिकता वितरणका लागि प्रशासकीय अधि नाकृत चुडानिधि तिवारी र कम्प्यूटर अपरेटर सोवित शाक्य काठमाडौ पुगेका थिए ।