गोरखाः नेपाल पत्रकार महासंघ गोेरखा शाखाले नौ जनाको सदस्यता नविकरण नगर्ने निर्णय गरेको छ । २९ सदस्य मध्ये नौ जनाको सदस्यता नविकरण नगर्ने निर्णय गरिएको शाखाले जनाएको छ

स्थापनाकाल देखि नै हालसम्म जिल्लाको पत्रकारिता क्षेत्रमा योगदान पु¥याउने पाँच जनालाई मानार्थ सदस्य दिने निर्णय समेत भएको नेपाल पत्रकार महासंघ गोरखा शाखाले जनाएको छ । । सोमबारको वैठकले चार जनाको सदस्यता थप गर्न सिफारिस गरेको छ ।

नेपाल पत्रकार महासंघको विधान, सदस्यता शुद्धिकरण अभियान, जिल्लाले विगतदेखि नै अवलम्वन गर्दै आएको शुद्धिकरणको अभ्यास, पुर्व अध्यक्ष, प्रदेश समिति र केन्द्रिय समिति सँग परामर्श एवं छलफल र जिल्ला कार्यसमितिको निरन्तरको वैठकको निर्णयलाई आत्मसाथ गर्दै ९ जना सदस्यको सदस्यता नविकरण नगर्ने निर्णय गरिएको महासंघको गोरखा शाखाले मंगलबार जारी गरेको प्रेस विज्ञप्तीमा उल्लेख छ ।

त्यस्तै पत्रकार महासंघ गोरखा शाखाको सदस्यता शुद्धिकरणप्रति असन्तुष्टि जनाउँदै प्रेस सेन्टर नेपालले शाखाको कार्यालयमा मंगलबार तालावन्दि गरेको छ । मंगलबार एक प्रेस विज्ञेप्ती प्रकाशित गर्दै प्रेस सेन्टर नेपाल जिल्ला समन्वय समितिले शुद्धिकरणको मापदण्ड विपरित हुने गरि क्रियाशिल पत्रकारको नै सदस्यता नविकरण नगर्ने भनि गरिएको निर्णय प्रति असन्तुष्टि जनाएको हो । ‘शुद्धिकरणको वाहानामा पत्रकार महासंघ गोरखा शाखाले कार्यसमितिको वैठक छलेर असार ४ गते पदाधिकारीको वैठकले शुद्धिकरणको मापदण्ड विपरित हुने गरि क्रियाशिल पत्रकारहरुको नै सदस्यता नविकरण नगर्ने भनि गरिएको निर्णय प्रति घोर निन्दा प्रकट गर्दछौँ,’ विज्ञेप्तीमा भनिएको छ । उत्त निर्णय तत्काल सच्याउन पनि प्रेस सेन्टरले माग गरेको छ ।

त्यस्तै प्रेस चौतारी नेपालले पनि क्रियाशिल पत्रकारको सदस्यता नविकरण नगर्ने निर्णय सच्याउन माग गरेको छ ।