गोरखाः चाडपर्वको वेला हुने मेला महोत्सव रोक्न फेन्सी ब्यवसायी संघ गोरखाले माग गरेको छ ।
विहिबार गोरखा नगरपालिकाका नगर प्रमुख कृष्ण रानालाई ज्ञापनपत्र वुझाउदै संघले चाडपर्वको वेला हुने मेला महोत्सव वन्द गर्न माग राखेको हो ।

‘चाडपर्वमा हुने मेला महोत्सवले ब्यवसायीहरुलाई ठुलो मर्का पर्छ,’ ज्ञापनपत्रमा भनिएको छ,‘ आर्थिक मन्दिले ब्यवसायमा प्रतयक्ष असर परेको अवस्थामा ब्यवसायीहरुले घर भाडा र नगरपालिकालाई कर समेत तिर्न कठीनाइ भइरहेको छ ।’ दशै तिहारमा हुने मेला महोत्सवको असर ब्यपार ब्यवसायमा पर्ने संघको जनाएको छ । संघका अध्यक्ष सुवास मल्ल द्धारा हस्ताक्षरित ज्ञापनपत्र मार्फ चाडपर्वको वेला हुने मेला प्रति असन्तुष्टि जनाउदै संघले आफ्नो माग सुनुवाई नभए चरणवद्ध आन्दोलनमा उत्रने चेतावनी समेत दिएको छ ।

चेम्वर अफ कमर्सको असोज २३ गतेबाट कात्तिक ३ गते सम्म १० दिने दशै सस्तो वजार तथा रमाइलो मेला आयोजना गरेको छ । सोहि समयमा प्रथम ‘लोक दोहोरी महोत्सव २०८०’ पनि आयोजना गरिएको छ । दुइ वटा संघ÷संस्थाले एउटै समयमा मेला र महोत्सवको आयोजना गर्ने सार्वजनिक गरिसकेका छन् । राष्टिूय लोक तथा दोहोरी गित प्रतिष्ठान नेपाल जिल्ला कार्यसमिति गोरखाले पनि असोज २३ गते देखि काित्तक ४ गते सम्म ‘प्रथम लोक दोहोरी महोत्सव २०८०’ को आयोजना गरेको जनाएको छ । चेम्वर अफ कमर्सले पनि तेस्रो संस्करणको मेलाको लागि तयारी थालिसकेको छ ।