गोरखाः छेवेटार घर भइ वेलायत वस्दै आएका आभुषण राज पन्तको सहयोग र समन्वयमा गोरखा नगरपालिका–१० छेवेटारमा ८० हजार वरावरको खेल सामाग्री प्राप्त भएको छ ।

छेवेटारमा रहेको करिव ५० जना फुटवल खेलाडीहरुलाई खेलकौशल सम्वन्धी तालिम र खेल क्षेत्रको विकासका लागि ४२ वटा फुटवल, कोन ४२ पिस कोन, इन आउट वोर्ड १ पिस, नेत दुइ पिस, प्लेयर विप्स ३० पिस लगायतका सामाग्री प्राप्त भएको गोरखा नगरपालिका १० का वडा अध्यक्ष प्रदिप कुँवरले बताए । दक्ष खेलाडी उत्पादन गर्नका लागि खेल सामाग्रीले सहयोग पुग्ने विश्वास लिइएको छ । ‘खेलाडीलाई प्रशिक्षण र सहजताका लागि प्राप्त खेल सामाग्री प्रयोग हुन्छ, खेलाडीलाई प्रोत्साहन पनि भएको छ,’ उनले भने ।

शनिबार खेल सामाग्री हस्तान्तरण कार्यक्रममा सुर्योदय युवा क्लवका पदाधिकारी, जनप्रतिनिधि, खेलाडी लगायतको सहभागीता रहेको थियो ।