गोरखा ःयु–१६ युनिटि लिग फुटवल प्रतियोगीता शुरु भएको छ । हिल्ली फिल्डर्स गोरखा एफ सि, हरमटारी क्लव, सुर्योदय युवा परिवार, अल स्टारक्लवको संयुत्त आयोजनामा प्रतियोगीता शुरु भएको हो ।

पहिलो दिन शनिबार छेवेटार खेलमैदानका प्रतियोगीता सम्पन्न भएको छ । प्रतियोगीताको उद्घाटन गोरखा नगरपालिका–१० का वडा अध्यक्ष प्रदिप कुवरको प्रमुख आतिथ्यतामा भएको थियो । प्रतियोगीतामा प्रथम हुने टिमले विस हजार सहित ट्रफि मेडल र प्रमाणपत्र पुरस्कार पाउने छन् । प्रतियोगीता प्रत्येक हप्ताको शनिबार हुने छ । आठ हप्ताको प्रत्येक शनिबार हुने प्रतियोगीता छवेटार, हरमटारी, रवर उद्योग खेल मैदानमा संचालन हुने छ ।

प्रतियोगीताको प्राविधिक ब्यवथापन ओसन स्पोर्टस एण्ड इभेन्ट मेनेजमेन्टले गरेको छ । प्रतियोगीतामा आयोजक चार टिम सहभागी छन् । शनिबार भएको सुर्योदय छवेटार र हरमटारी विच भएको खेल ३–३ गोलको वरावरीमा रोकिएको थियो । सुर्योदयका सौगात वरामले ३ गोल र हरमटारीका युवराज गुरुङ, मनोज गुरुङ मन्जित गुरुङले १–१ गोल गरेका थिए । हिल्ली फिल्डर्स गोरखा र अलस्टार क्लव विच भएको खेलमा ०–८ गोल अन्तरले अलस्टार विजयी वनेको छ । अलस्टारका लागि विशेष थापा मगरले २, सुदिप गुरुङले १, सन्तोष अधिकारीले ४, सुजल सुर्यवशीले १ गोल गरेका थिए ।