नेपाल टेलरिङ ब्यवसायी महासंघ गण्डकी प्रदेशको अध्यक्षमा वालकृष्ण परियार निर्वाचित भएका छन् ।

काठमाडौमा भएको राष्ट्रिय अधिवेशनले परियारलाई प्रदेशको अध्यक्षमा चयन गरेको हो । परियार नेपाल टेलरिङ ब्यवसायी महासंघ गोरखाका अध्यक्ष पनि हुन् । महासंघको तेस्रो साधारण सभा तथा राष्ट्रिय अधिवेशनमा गोरखा टेलरिङ ब्यवसायी संघलाई कदर पत्रका साथ सम्मान समेत गरिएको थियो । महासंघको प्रदेशमा प्रत्येक जिल्लाको अध्यक्ष पदेन सदस्य हुने प्रावधान छ । गण्डकी प्रदेशको गोरखा सहित कास्की, लमजुङ, म्याग्दी, वाग्लुङ र पर्वतमा महासंघको जिल्ला शाखा छन् । अन्य जिल्लामा पनि छिट्टै शाखा गठन गरिने परियारले जानकारी दिए ।