लगातारको वर्षाद पछि त्रिशुली नदिमा आएको बाढीले दुइ वटा झोलुङ्गे पुलमा क्षति पु¥याएको छ ।

गण्डकी गाउँपालिका–६ भुम्लीचोक र धादिङको वेनिघाट रोराङ गाउँपालिका–१० जोड्ने झोलुङ्गे पुलको प्यानल वगाएको छ । त्यस्तै गण्डकी गाउँपालिका–७ घ्याल्चोक र धादिङको वेनिघाट रोराङ गाउँपालिका–७ जोड्ने धवादी घाटको झोलुङ्गे पुलको पनि लठ्ठा चुडिएको छ ।

झोलुङ्गे पुलमा क्षति पु¥याएपछि स्थानीयलाई आउजाउमा समस्या थपिएको छ । धवादीघाटको झोलुङ्गे पुलबाट स्थानीय वलजवस्ती आउजाउ गरिरहेका छन भने हिक्लुङको झोलुङ्गे पुल भने हिड्न नमिल्ने गरि क्षति पुगेको छ । उत्त पुल भएर थुम्का हिक्लुङ लगायतका गाउँका वासिन्दा आउजाउ गर्दै आएका थिए ।

झोलुङ्गे पुलमा क्षति पु¥याएपछि स्थानीयलाई पृथ्वीराजमार्ग सम्म आउन समस्या थपिएको छ । त्यस्तै गण्डकी गाउँपालिका–७ डुडेको ठाँटी पनि त्रिशुलीलले वगाएको वडा अध्यक्ष तुलसी रेग्मीले जानकारी दिए । त्रिशूलीको बाढीले पुलमा क्षति पु¥याएपछि गण्डकी गाउँपालिकाका अध्यक्ष दिपक तिमिल्सिना लगायतको टोलीले स्थानीय पुर्वाधार विभागका महानिर्देशक भरत प्रसाद अर्याललाई भेटेर पुल मर्मतको माग राखेका छन् ।

त्यस्तै लगातारको वर्षाद पछिको वेनिघाट–आरुघाट सडक खण्डको ठाउँ÷ठाउँमा पहिरो खसेको छ । गण्डकी गाउँपालिका–४ ढावेमा सडकको ठाउँ÷ठाउँमा पहिरो र ढुङ्गा खसेर सडकमा क्षति पुगेको छ ।