धार्चे गाउँपालिका–७ लापुवेशीको प्रभात किरण माध्यमिक विद्यालयको छात्रावास भवन भित्र चिरा परेको छ ।

लगातारको वर्षाद पछि जमिन धसिएर छात्रावास भवनका गारो चिरा परेको छ । भुँइमा पनि धाँजा फाटेको विद्यालयका प्रध्यानाध्यापक जिव तमुले जानकारी दिए । छात्रावास भवनमा चिरा परेर जोखिम वढेपछि सामाग्री विद्यालयमा सारिएको छ । छात्रावासमा ३४ विद्यार्थी र दुइ शिक्षक वस्ने गरेका छन् । गाउँलेको सहयोगमा सोमबार छात्रावासका सामाग्री विद्यालयमा सारिएको हो । ‘वस्न नमिल्ने गरी भित्र चिरा चिरापारेपछि सवै सामान विद्यालयमा सारेका छौँ,’ उनले भने ।

छात्रावासको सामान विद्यालयमा सारेपछि पठन पाठनका लागि कक्षा अपुग भएको पनि उनले जानकारी दिए । ‘छात्रावासमा वस्नै मिलेन, अन्त ठाउँ पनि छैन, विद्यालयमै छात्रावासको सामान सारेपछि इसिडि र १ को विद्यार्थी एउटा कोठामा, २ र ३ का विद्यार्थी अर्को कोठामा राखेर पढाएका छौँ,’ उनले भने,‘परिक्षा आउँदै छ, पढाइ नै प्रभावित वन्यो ।’ छात्रावासको भवन निर्माणाधिन रहेपनि गत वर्षबाट निर्माणले गति नपाएको उनले बताए । ‘नयाँ होस्टलको भवन वनिरहेको त छ, तर गत वर्ष ठेकेदारले काम गरेनन्, अहिले सम्म ४५ प्रतिशत काम सकिएको छ, त्यहा तत्कालै सर्न मिल्दैन,’ उनले भने ।

प्रभातकिरणको छात्रावासमा चुमनुव्री र धार्चे गाउँपालिकाकै विद्यालय वस्दै आएका थिए । चर्किएको छात्रावास भवनबाट केहि खाट लगायतका सामाग्री पनि सार्न समस्या भएको छ । ‘डवल वेड हरु छन्, ति सार्न सकिएन,केहि सामान ल्यान नसक्दा विद्यालयमा ओछ्यानहरु अभाव भएको छ,’ उनले भने । अन्यत्र विद्यार्थी राख्न मिल्ने ठाउँ नरहेपछि विद्यालयमै सारिएको तमुले बताए ।