गोरखा ः गोरखा क्याम्पस गोरखाले ४६ औँ वार्षिक उत्सव विविध कार्यक्रम गरि मनाएको छ । वुधबार क्याम्पस परिसरमा भएको कार्यक्रममा विभिन्न खेलकुद प्रतियोगीताका विजेतलाई पुरस्कार वितरण गरिएको थियो ।

त्यस्तै क्याम्पसलाई सहयोग गर्ने विभिन्न संघ संस्था र स्थानीयतहरुलाई पनि सम्मान गरिएको थियो । प्रध्यापक र कर्मचारी पनि सम्मान गरिएको छ । कार्यक्रममा क्याम्पस प्रमुख रामशरण वानियाले गोरखा क्याम्पसको ३६ कोठे सुविधा सम्पन्न भवन वन्ने प्रक्रिया शुरु भएको बताएका थिए । एक्जिम वैंक अफ इन्डियाको सहयोगमा ३६ कोठे अत्याधुनिक भवन वन्न लागेको जानकारी गराएका हुन् ।

२८ करोडको लागतमा वन्ने भवनको ड्रोइङ, डिजाइन, नाप नक्सा तयार तथा सम्झौता समेत सम्पन्न भइसकेको छ । अव ठेक्का प्रक्रियामा जान तयारी अवस्थामा रहेको क्याम्पसले जनाएको छ । त्यस्तै त्रि.वि. केन्द्रीय कार्यालयको ७५ लाख अनुदानमा निर्माणाधिन पुस्तकालय भवनको पहिलो ठेक्काको काम सम्पन्न भएको छ । चालु आर्थिक वर्ष २ करोड वजेट स्वीकृत भइ सो भवनको लागत स्टमेट तयारीको चरणमा रहेको पनि वानियाले बताए ।

प्रशासनकीय भवनको ग्राउण्ड फ्लोर, पहिलो फ्लोरम मार्वल विछ्याउने कार्य, शिक्षण भवनको छत तथा झ्याल ढोका मर्मत सभ्भार कार्य र विज्ञान भवनको दक्षिण मोहडामा संरक्षण बाल निर्मााको कार्य अघि वढाइएको पनि उनले जानकारी दिए । ६८ रोपनी क्षेत्रफल स्वामित्व भएको जग्गाको पक्की घेरावार, हर्वल प्लान्ट, पौडी पोखरी निर्माणको योजना रहेको पनि उनले बताए । २०३५ सालमा स्थापना भएको क्याम्पसले २०७९ काक्तिक ३० गतेबाट विश्वविद्यालय अनुदान आयोगबाट गुणस्तर सुनिश्चितता प्रत्ययनकृत प्रमाणपत्र प्राप्त गरेको छ । क्याम्पसका हाल शिक्षासास्त्र