गोरखाः बारपाक सुलिकोट गाउपालिका–८ पन्द्रुङ स्थित गैरीफाँटको धान खेतमा पहेँलो गवारो रोग देखिएको छ ।

करिव एक साता अघिबाट धान खेतमा पहेँलो गवारो रोग देखिएको हो । गैरीफाँटको करिब ३५ रोपनी क्षेत्रफलमा उत्त रोग फैलदो क्रममा रहेको बारपाक सुलिकोट गाउँपालिकाको कृषि शाखाका विनोद विश्वकर्माले बताए । रोकथामको लागि औषधिको प्रयोग गरेपछि न्यूनीकरण हुदै गएको पनि बताए । उत्त क्षेत्रका गाउँपालिकाको कृषि प्राविधिक पुगेर अध्ययन पनि गरेका थिए ।

‘किराले धान पहेँलो हुदै सुक्दै जान्छ, समयमै उपचार नगरे खेतीमा प्रभाव पर्छ,’ उनले भने,‘कति क्षेत्रफलमा प्रभाव पारेको छ, अध्ययनको क्रममै छौँ ।’ धान खेतीमा उत्त रोग देखिएपछि किसानहरु चिन्तित छन् ।

धान खेतमा देखिने किराको समयमै निराकरण गर्न नसके उत्पादनमा आंशिक देखि पुर्ण रुपमा क्षति आउने पनि कृषि प्राविधिक बताउछन् । यस्तो समस्या देखिए गाउँपालिकाको कृषि शाखामा सम्पर्क गर्न पनि अनुरोध गरिएको छ । उत्त किराले धानको पात पहेँलो हुने र गुभो मर्ने गर्छ ।

अहिले सम्म गैरीफाँट वाहेक अन्य क्षेत्रका किसानबाट भने गुनासो नआएको पनि उनले बताए । धान खेतमा पानीको कमी, सुक्ष्म तत्वको कमीले किराको संक्रमण सहजै फैलन सक्ने बताइएको छ ।