गोरखा ः हिमाल आरोहणको सिजन शुरु भएसँगै मनास्लु वेसक्याम्पसमा चहल पहल वढेको छ ।
मनास्लु हिमालमा डोरी टाङ्ने समूहले गत भदौ १३ गते विभागबाट अनुमति पाएपछि शरद ऋतुमा हिमाल आरोहीहरूका लागि अनुमति लिने बाटो खुलेको हो ।

आरोहणका लागि दक्ष कामदार (आइसफल डाक्टर) मनास्लुको बेस क्याम्प पुगिसकेका छन् । मनास्लुको चुचुरोसम्म डोरी टाङ्ने (रोप फिक्सिङ) काम सकेपछि आरोहण शुरु हुन्छ । आरोहण दलका सहयोगी र सदस्य वेसक्याम पुगेर टेन्ट टाँग्ने लगायत आरोहीलाई वस्ने ठाउँ वनाउन ब्यस्त छन् । यस वर्षको सरद ऋतुका लागि २३ समुहका दुई सय ६६ जनाले मनास्लु आरोहणका लागि अनुमति लिइसकेका छन् ।

पर्यटन विभागका अनुसार २०८ जना पुरुष र ५८ जना महिलाले मनास्लु हिमाल आरोहणको अनुमती लिएका हुन् । ८,१६३ मिटर उचाइको मनास्लु किलर माउन्टेनको रुपमा पनिपरिचित छ । चुमनुव्री गाउँपालिका–१ सामागाउँमा रहेको मनास्लु आरोहणका लागि गत वर्ष पनि चार सय वढीले अनुमति लिएका थिए । यस वर्ष पनि शरद ऋतुका लागि अनुमति लिन आउने आरोहीहरू विस्तारै बढ्ने बताइएको छ ।