गोरखा ः गण्डकी गाउँपालिका–८ घ्याल्चोकको वडा कार्यलय भवनको उद्घाटन भएको छ ।

वुधबार संविधान दिवसको अवसर पारेर नवनिर्मित भवनको गाउँपालिका अध्यक्ष दिपक तिमिल्सीनाले उद्घाटन गरे । गाउँपालिकाको ९२ लाखको लागतमा वडा कार्यलय भवन निर्माण भएको हो ।

२०७९ साउन ९ गतेबाट निर्माण शुरु भएको भवनले पुर्णता पाएसँगै वुधबार उद्घाटन गरिएको छ । साढे दुइ तले भवनमा वैठक कक्षा,सभा कक्षा हल तथा ६ वटा कोठा रहेका छन् । उद्घाटन भएसँगै वडा कार्यलयको सेवा आजबाट नवनिर्मित भवनबाट सुचारु हुने गाउँपालिकाले जनाएको छ ।

वडा अध्यक्ष कोकिल पुलामी मगरको अध्यक्षतामा भएको कार्यक्रममा गाउँपालिका अध्यक्ष तिमिल्सिीना, जनप्रतिनिधि, स्थानीय लगायतको सहभागीता रहेको थियो ।