गोरखाः गोरखा नगरपालिका–७, नयाँबजारमा रहेको हिमचुली बचत तथा ऋण सहकारी संस्था लि.ले क्षेत्रिय साधारण सभा सम्पन्न गरेको छ । असोज ४ गतेदेखि ७ गतेसम्म ७ वटा क्षेत्रीय समितिको साधारण सभा सम्पन्न भएको सहकारीले जनाएको छ ।

३१ औं वार्षिक साधारण सभाको लागि क्षेत्रमा रहेको शेयर सदस्य संख्याको १० जना बरावर १ जनाको दरले ७ वटा क्षेत्रवाट २४७ जनाप्रतिनिधिहरु चयन गरिएको छ । सहकारी संस्थाले निर्देशन अनुसार कार्यक्षेत्रलाई ७ वटा क्षेत्रमा विभाजन गरिएको र सातै वटा क्षेत्रबाट ९ सदस्य समिति गठन गरिएको सहकारीले जनाएको छ ।

क्षेत्रीय साधारण सभामा संस्थाको २०७९÷०८० को वार्षिक प्रगति प्रतिवेदन र आर्थिक प्रतिवेदन साथै आ.व. २०८०÷०८१ को प्रस्तावित बजेट प्रस्तुत गर्दै छलफलबाट पारित भएको छ । संस्थामा हाल २हजार चार सय ९१ जना शेयर सदस्यको ३२,६५,३३४८५।५९ रुपैयाको वासलात रहेको छ ।