गोरखा ः ११ संस्करणको लिगलिगे दौड कात्तिक १ गते हुने भएको छ ।

शनिबार भएको पत्रकार सम्मेलनमा लिगलिगकोट विकास अभियानले प्रतियोगीतावारे जानकारी गराएको हो । प्रतियोगीतामा सहभागी हुन चाहनेले असोज २५ गते सम्म अनलाइन फर्म भर्न सक्ने अभियानका अध्यक्ष संजित रानाले जानकारी दिए ।

कोरनाका कारण ३ वर्ष हुन नसकेको प्रतियोगिता यस वर्ष हुन लागेको हो । गोरखा, लमजुङ र तनहुँको सिमा क्षेत्रमा पर्ने चेपेघाटबाट दौड शुरु हुने छ । लिगलिग खुला दौड प्रतियोगीतामा सहभागिले चेपेघाट देखि लिगलिगकोट सम्मको १३.८ किलोमिटर दुरी पार गर्नुपर्ने रानाले जानकारी दिए । प्रतियोगिताका खुल्ला तर्फका विजेतालाई एक लाख रुपैयाँ ट्रफी , मेडल र प्रमाणपत्र दिने रानाले बताए ।

दोस्रो हुनेलाई पचास हजार रुपैयाँ, तेस्रोलाई २५ हजार रुपैयाँ , चौथो हुनेलाई १५ हजार र पाँचौँ हुनेलाई दस हजार रुपैयाँ पुरस्कार दिने पनि रानाले बताए । स्थानीय खुलातर्फ भाग लिएर प्रथम हुनेले २० हजार रुपैयाँ , दोस्रो हुनेले १५ हजार रुपैयाँ तथा तेस्रो हुनेले १० हजार रुपैयाँ, चौथो हुनेलाई पाँच हजार रुपैयाँ र पाँचौँ हुनेलाई तिन हजार रुपैयाँ पुरस्कार प्राप्त गर्ने अध्यक्ष रानाले बताए । त्यसै गरि विद्यार्थी तर्फको प्रतियोगितामा १८ वर्षभन्दा मुनिका छात्रले सहभागी हुन पाउने छन् ।

विद्यार्थीका लागि पालुङटार नगरपालिका–३ को मैवलबाट लिगलिगकोट कालिका मन्दिरसम्मको तीन किलोमिटर दौड हुने पनि रानाले बताए । विद्यार्थी तर्फको प्रतियोगितामा प्रथम हुनेले १५ हजार रुपैयाँ , दोस्रो हुनेलाई १० हजार रुपैयाँ तथा तेस्रो हुनेले ७ हजार रुपैयाँ चौथो हुनेलाई पाँच हजार रुपैयाँ र पाँचौँ हुनेलाई तिन हजार रुपैयाँ पुरस्कार प्राप्त गर्ने अध्यक्ष रानाले बताए ।

प्रतियोगीता संचालनका लागि १५ लाख रुपैयाँ खर्च लाग्ने अनुमान गरिएको छ । लिगलिग खुला दौड प्रतियोगीतालाई आगामि दिनमा प्रतियोगीता मात्र नभइ सांकुतिक पर्वमा रुपमा पनि अघि वढाउने उनले बताए ।