गोरखा ः सडक सञ्जाल विस्तार नभएको उत्तरी गोरखाका स्थानीयलाई लागतको तेब्बर सम्म ढुवानी भाडा तिर्नुपर्ने वाध्यता छ ।

माछाखोला, दोभानबाट खच्चडमार्फत उपभोग्य सामाग्री स्थानीयले गाउा पु¥याउने गर्छन् । खच्चडको ढुवानीमा भाडा दुरी अनुसार तय गरिएको छ । लार्के सडकको ट्रयाक खुले सँगै चुमनुव्री–३ को जगतसम्म सवारी पुगेपछि २ दिन पैदल यात्रामा छेकम्पार पुगीन्छ । सडकमार्गबाट गोरखाको माछाखोलासम्म पुग्ने एककेजी सामाग्री ख्रच्चडबाट छेकम्पार ढुवानी गर्दा प्रति केजी ७० रुपैयाँ तिनुपर्ने स्थानीय माइला लामा बताउँछन् । ढुवानी भाडाले गाउँमा उपभोग्य सामाग्रीको भाउ महंगो पर्न पुगेको उनले बताए ।

‘एक किलो नुन तल २० रुपैया प¥यो भने त्यसलाई खच्चडमा वोकाएको ज्याला ७० रुपैया दिनुपर्छ, ढुवानी भाडा समेत जोड्दा हामीले नुन कम्तिमा ९० रुपैयामा पाउने भयौँ,’उनले भने । खेतिकिसानीको अलवा यहाँका स्थानीय यार्सा संकलन गरेर जिवन निर्वाह गर्ने गर्छन् । धान खेती नहुने यस क्षेत्रमा गहुँ, फाँपर, आलु लगायतका कृषि उपज उब्जनी हुने वारीमै यहाँका स्थानीयको दिन वित्छ । हिउतमा जगतसम्म सवारी आउजाउ गर्न थालेपछि उत्तरी क्षेत्रका वासिन्दाको पैदलदुरी छोट्टिएको हो ।

जगत सम्मसडकको ट्रयाक खुलेसगै गोरखा सदरमुकाम आउन कम्तिमा ३ दिनको यात्रा गर्ने छेकम्पारबासीलाई तिब्बतको बजार पुग्न भने एक दिन खर्चिए पुग्छ । दुरी छोट्टिएपनी स्थानीयलाई महंगीको चपेटाले भने छाडेको छैन । सामागाउँ पुग्न भने जगतबाट कम्तिमा तिन दिन लाग्छ । सामागाउँमा प्रति केजी ८० देखि ९० रुपैया ढुवानी खच्चडको ढुवानी भाडा लाग्छ । खच्चडको ढुवानी भाडाले महङ्गीको वोझ वढेको स्थानीय बताउछन्