गोरखा ः चाडवाडको समयमा हुने चोरी लगायतका घटना प्रति विशेष सुरक्षा सतर्कता अपनाउन जिल्ला प्रहरी कार्यालय गोरखाले आग्रह गरेको छ ।

आफ्नो घर छोड्दा झ्यालढोका, कम्पाउण्ड गेट राम्रो सँग बन्द गर्न,्, धारा पानी, बिजुली तथा भान्सा कोठामा ग्याँस चुलो सुरक्षित साथ बन्द गर्न आग्रह गरिएको छ । यात्रा गर्दा सिटक्षमता भन्दा बढि सवारी यात्रु बोकेको सवारीसाधनमा यात्रा नगर्न तथा्, छतमा असुरक्षित यात्रा नगर्न पनि आग्रह गरिएको छ । टिकट अनिवार्य रुपमा लिने, यात्रा गर्दा अपरिचित व्यक्तिले दिएको कुनैपनि खानेकुरा वा पेयपदार्थ नखान पनि आग्रह गरिएको छ ।

यात्रा गर्दा आफ्ना बालबालिकाको सुरक्षामा विशेष ध्यान दिन तथा भिडभाडमा बालबालिका अलपत्र परी हराउन सक्नेमा विशेष सचेत रहन पनि आग्रह गरिएको छ यात्रा गर्दा आफ्नो सरसामानको विशेष ख्याल गर्न,आफैले सवारीसाधन चलाई यात्रा गर्दा ओभरस्पिड नगर्न्, बाटोमा पैदलयात्रुको बारेमा विशेष सजग रहन, बाटोको अवस्थाको बारेमा विशेष सचेत रहन, मादक पदार्थ सेवन गरी र तनावमा सवारी साधन नचलाउन पनि सार्वजनिक सुचना मार्फत आग्रह गरिएको हो ।

जुवातासले चाडपर्व रमाईलो हुन्छ भन्ने सोच हटाउन र्,यसले धनसम्पति गुमाउन सकिन्छ भन्ने तथ्यमा विशेष सचेत रही नखेल्न नखेलाउन,मादकपदार्थ सेवनले रिस आवेग बढाउने र विभिन्न किसिमको अपराधहरु घट्ने हुँदा यसको सेवन तर्फ विशेष सचेत रहन पनि प्रहरीको आग्रह छ । सुनसान स्थानहरुमा बहुमूल्यगरगहना तथा नगद पैसा बोकी एक्ले नहिड्न, ।

महिला तथा बालबालिकाहरुले आफ्नो व्यक्तिगत सुरक्षाको बारेमा विशेष ध्यान दिन, बालवालिकालाई घरको छतमा मनोरञ्जनको निम्ति चंगा उडाउन नदिन, । पटाका, भुईचम्पा, आतसबाजी लगायतका विष्फोटक पदार्थले मानवीय, भौतिक एवं वातावरणीय क्षति पुग्ने भएकोले यसको प्रयोग नगर्न,डेङ्गु रोगको संक्रमण फैलिएकोले स्वास्थ्य सतर्कता अपनाएर चाडपर्व मनाउन पनि आग्रह गरिएको छ । हाल मोटरसाइकलको चारो बहिरहेको सन्दर्भमा विशेष गरी राती मोटरसाइकल सडक पेटीमा पार्कीङ नगर्न, सम्भव भएसम्म घरको कम्पाउण्ड भित्र पार्किङ गर्न र पार्किङ गरेर राख्दा हण्डिल लक साथै डिस्क लक, हिल लक तथा चेनको प्रयोग गरी सुरक्षित राख्न पनि सचेत गराइएको छ ।