गोरखा ः विश्व दृष्टि दिवसको अवसरमा चालक तथा सहचालकको आँखा जाँच गरिएको छ ।
विहिबार भएको आँखा जाँच शिविरबाट ७५ जना लाभान्वीत भएका छन् । गोरखा दरौदीयातायात सेवा कम्पनीको समन्वयमा गोरखा लायन्स आँखा सेवा केन्द्रले चालक तथा सहचालकको आँखा परिक्षण गरेको हो ।

कार्यस्थलमा आँखालाई माया गरौ भन्ने नाराका साथ कार्यक्रम सम्पन्न गरिएको गोरखा लायन्स अस्पतालले जनाएको छ । अस्पतालका डाक्टर खुम प्रसाद पराजुली नेतृत्वको टीमले आँखा जाँच गरेक थिए । कार्यक्रममा लायन्स क्लव अफ गोरखाका अध्यक्ष भगवान वावु मास्के, दरौदी यातायात सेवा कम्पनीका अध्यक्ष नारायण खत्री लगायतले मन्तब्य राखेका थिए ।