गोरखा ः दशै मनाएर गोरखाबाट वाहिरिने यात्रुले गन्तब्यमा पुग्न सवारी नपाउँदा सास्ती भोगेका छन् । सिमित गाडी संख्या,यात्रु धेरै हुँदा दशै मनाएर फर्किनेहरु सडकमा दिनभर गाडी कुरेर वस्न बाध्य बने ।

चापको मौका छोपी सवारी चालकले वढी भाडा असुल्ने गरेको यात्रुका गुनासो छ । मुस्कीलले पाएको सवारीले क्षमता भन्दा वढी यात्रु कोच्दा आउजाउ निकै सकसपुर्ण वनेको पालुङटार नगरपालिका–१ का विश्व श्रेष्ठले बताए । शनिबार सम्म सदरमुकामको हरमटारी चोकमा गन्तब्यमा पुग्नेको यात्रुको भिडभाड वढेको थियो । चाडवाड पहिले फकाई पुलाई वलजवस्ती गाडी चढाउने सवारीका सहचालहरुले यात्रुको चाप वढेपछि भाडाको वार्गेनिङ पछि मात्र चढाउने गरेको यात्रुहरुका गुनासो छ । मुख्य सडकमा काठमाडौ चितवन र पोखरा जाने यात्रुको भिड लागेको थियो ।

भच्चेक, ठाटीपोखरी, मसेल, आरुघाट लगायतका ग्रामिण भेगबाट सदरमुकाम आउने यात्रुले सवारी साधान भरिएका थिए । छोटो दुरिका यात्रुलाई पनि सवारी चालकले चढाउन नमान्ने गरेको यात्रुको गुनासो छ । आवुखैरेनी–गोरखा आउने सवारीले विचबाटोमा ओर्लने यात्रुलाई चढाउन आनाकानी गर्ने गरेको यात्रुको गुनासो छ । दशैको वेला यात्रुको चाप वढेपनि वढी भाडा लिएको गुनासो नआएको जिल्ला ट्राफिक प्रहरी कार्यालयले जनाएको छ । दशैका वेला ग्रामिण भेगमा चल्ने सवारीले भने छतमा समेत यात्रु राखेर जोखिमपुर्ण यात्रा गराएका थिए । सरकारले फूलपातीदेखि द्वादशीसम्म दशैं बिदा दिएको थियो । शुक्रबार देखि कार्यालय सञ्चालन भएसँगै दशै मनाएर फर्कनेको भिडभाड वढेको थियो ।