गोरखा ः तिन महिनाको अवधिमा जिल्लाका ६० जनामा स्क्रव टाइफसको संक्रमण देखिएको छ ।

जिल्ला स्वास्थ्य कार्यालय गोरखाका अनुसार चालु आर्थिक वर्षको साउन देखि असोज सम्म आरुघाट गाउँपालिकाको ५२ जना, सिरानचोक गाउपालिकाको ३ जना,पालुङटार नगरपालिकाको ५ जनामा स्क्रव टाइफसको संक्रमण देखिएको हो । गत आर्थिक वर्ष मात्रै जिल्लाका १ सय ९७ जनामो स्क्रव टाइफसको संक्रमण देखएको थियो ।

टाउको दुख्ने, अत्याधिक ज्वरो आउने, गर्धन र घाँटी वरिपरि मसिना बिमिरा आउने स्क्रब टाइफसको प्रमुख लक्षण हुन् । ‘माइट’ नामको किर्नाले टोकेपछि स्क्रब टाइफस रोग लाग्छ । यो जुम्राभन्दा पनि सूक्ष्म हुन्छ । प्रायः नाङ्गो आँखाले देख्न सकिदैन् । यो मुसाको कानमा बस्छ ।

घाँसमा ‘माइट’ झरेको अवस्थामा मानिससँगको सम्पर्कमा आउँदा यसको संक्रमण हुन्छ । त्यसैले ज्वरोलाई सामान्य रुपमा नलिई चिकित्सककोमा देखाउनुपर्दछ । ल्याव परिक्षण गरेर मात्रै औषधिको सेवन गर्नुपर्दछ । स्क्रब टाइफसको सिजन कार्तिकसम्म मानिन्छ ।