गोरखा ः बैकिङ कसूर मुद्धामा फरार रहेका दिपेश मगरलाई प्रहरीले पक्राउ गरेको छ ।

धादिङ सिद्धलेख गाँउपालिका–७ घर भइ हालगोरखा नगरपालिका–६ हरमटारी बस्ने ३१ वर्षिय मगरलाई सोमबार पक्राउ गरेको जिल्ला प्रहरी कार्यालय गोरखाका प्रहरी निरीक्षक रविन्द्र अधिकारीले जानकारी दिए । उनले धादिङ गजुरी गाउपालिका–२ का ३८ वर्षिय वसन्ता कडेल सँग २१ लाख २० हजार सापटी लिएका थिए ।

सापटी वापतको रकम फिर्ताका लागि मेघा बैंक लिमिटेड गोरखा शाखाको चेक काटदिएको तर उत्त खातामा पर्याप्त रकम नभएको भनि चेक अनादर भई फिर्ता भएको भन्दै उनि विरुद्ध उजुरी परेको थियो । बैकिङ कसूर मुद्धा दर्ता पश्चात फरार रहेका दिपेश मगरलाई खोजतलासको क्रममा सोमबार गोरखा नगरपालिका–६ बाट पक्राउ गरिएको प्रहरीले जनाएको छ ।

सोमबार नै मगर विरुद्ध जिल्ला अदालत गोरखाबाट हिरासतमा राखी अनुसन्धान गर्न म्याद थप अनुमतीलिइ वैकिङकसुर मुद्धामा अनुसन्धान भइरहेको पनि प्रहरीले जनाएको छ ।