गोरखाः जाजरकोट र रुकुममा गएको भूकम्पबाट प्रभावितका लागि जेष्ठ नागरिक जिल्ला संघ गोरखाले राहत सामाग्री अभियान संकलन शुरु गरेको छ ।

सोमबारबाट सदरमुकाम क्षेत्रमा घरदैलो गरि आर्थिक संकलन अभियान शुरु गरिएको हो । अभियान अन्तरगत जेष्ठ नागरिक संघबाट मात्र ७५ हजार नगद संकलन भएको छ । अन्य संघ संस्था तथा ब्याक्तिबाट पनि स्वइच्छाले रकम संकलन गरि भूकम्प पीडितलाई पठाउने संघले जनाएको छ ।

संकलित रकम जिल्ला प्रशासन कार्यालय मार्फत पठाउने संघका अध्यक्ष मोहन लाल श्रेष्ठले बताए । रकम संकलन अभियान जारी रहने पनि उनले बताए । कात्तिक १७ गते जाजरकोट केन्द्रविन्दु भएर गएको भूकम्प प्रभावितका लागि जिल्लाका स्थानीय तहहरुले पनि एक मुष्ट १२ लाख सहयोगको तयारी गरिसकेका छन् ।