गोरखाःशैक्षिक भ्रमणको सिजन शुरु भएसँगै गोरखा संग्राहलय भ्रमण गर्नेको संख्या वढेको छ ।
चालु आर्थिक वर्षको चार महिनाको अवधिमा मात्र ३० हजार सात सय ८७ जना आगन्तुकले गोरखा संग्राहलयको अवलोकन गरेको छन् । ति मध्ये ८ हजार एक सय ८० जना विद्यार्थी रहेका छन् ।

२२ हजार एक सय ६ जना नेपाली पर्यटक, तथा सार्क राष्ट्रका ४८ जना र चार सय ५३ बिदेशी पर्यटकले अवलोकन गरेको संग्राहालयको तथ्याङ्कमा उल्लेख छ । असोज, कात्तिक र मसिर महिनालाई शैक्षिक भ्रमणको सिजन मानिन्छ । असोजमा ६ सय ७१ र कात्तिकमा ६ हजार तिन सय ९४ विद्यार्थीले संग्राहालयको अवलोकन गरे ।

चार महिनाको अवधिमा सवै भन्दा बढी काक्तिक महिनामा १४ हजार तिन सय ८० जनाले संग्राहालयको अवलोकन गरेको तथ्याङ्कमा उल्लेख छ । श्रावणमा ६ हजार दुई सय ४९ जना, भदौमा ४ हजार आठ सय ४९ जना र असोज महिनामा ५ हजार तिन सय ९ जनाले संग्राहालय अवलोकन गरेको छन् । संग्राहलय प्रवेश गर्नेहरु सँग प्रवेश शुल्कबापत मात्र ६ लाख ८७ हजार पाच सय ५० रुपैया राजस्व संकलन भएको छ ।

विद्यार्थीहरु प्रवेश शुल्कबाट मात्र ८१ हजार आठ सय, नेपाली पर्यटकबाट ५ लाख ५२ हजार ६ सय ५०, सार्क राष्ट्रबाट २ हजार चार सय, विदेशी पर्यटकबाट ४५ हजार तिन सय राजस्व संकलन भएको हो । संग्राहालय आउने विद्यार्थिबाट १०, नेपाली पर्यटकबाट २५, सार्क राष्ट्रका पर्यटकबाट ५०, बिदेशीबाट एक सय प्रवेश शुल्क वापत लिने गरिएको छ ।

नेपाल एकिकरणको इतिहास वुझ्न तथा ऐतिहासीक कुराहरु वुझ्नका लागि गोरखा आउनेहरुको सख्या वढ्दै गएको छ । गोरखा आएको आगन्तकुले संग्राहालय, गोरखा दरवार लगायतका क्षेत्रको अवलोकन गर्ने गरेका छन् । दैनिक १ हजार देखि १६ सय सम्मले अहिले गोरखा संग्राहालय लगायतको क्षेत्रको अवलोकनका लागि आउने गरेका छन् ।

नेपाल एकीकरणको समयमा प्रयोग भएका हतियारहरु, शाह वंशीय इतिहास, विभिन्न शिलालेख, नेपाली पहिचान झल्काउने विभिन्न जातिको भेषभुषा लगायत कुराहरु संग्रहालय घुम्न आउनेहरुले अवलोकन गर्ने गरेका छन् ।