गोरखाः पालुङटार नगरपालिकाले वडा स्तरीय कृषक संजाल गठन शुरु गरेको छ ।

आइतबार पालुङटार नगरपालिका–१ खोप्लाङमा वडा स्तरीय कृषक भेला तथा संजाल गठन गरिएको छ । डिल वहादुर गुरुङको संयोकजत्वमा ९ सदस्यीय संजाल गठन गरिएको नगरपालिकाको कृषि शाखामा कार्यरत शर्मिला ढकालले जानकारी दिइन् ।

पालिकाको १० वटै वडामा संजाल गठन गरिने उनले बताइन् । कृषि तथा पशुपालन गर्ने ब्यवसायीलाई सहजताका लागि संजाल गठन गरिएको नगरपालिकाले जनाएको छ । मंसिर २५ गते सम्म सवै वडामा कृषक संजाल गठन गरिसक्ने नगरपालिकाको योजना छ । सोमबार पालुङटार नगरपालिकाको कृषि विकास शाखाको आयोजनामा भएको भेलामा वडा क्षेत्रका किसानहरुको सहभागीता रहेको थियो ।

कृषि प्रवद्र्धनको योजना कार्यान्वयन, योजना माग, समस्या वजारीकरणमा सघाउ लगायतका कृषक हक हितमा संजाल गठन गरेपछि सघाउ पुग्ने पालुङटार नगरपालिका–१ का वडा अध्यक्ष कृष्ण परियारले जानकारी दिए । कार्यक्रममा नगरप्रमुख विवश चिन्तन,उपप्रमुख वन्दना पाण्डे, प्रमुख प्रशासकीय अधिकृत गौतम भण्डारी लगायतको सहभागीता रहेको थियो ।