गोरखाः अपाङगता भएका व्याक्तिहरुको अधिकार विषयक अन्तरक्रियात्मक गोष्ठी सम्पन्न भएको छ । ‘दिगो विकास लक्ष्य प्राप्तिको प्रतिवद्धता, अपाङ्गता भएका व्यक्तिको अपनत्व र नेतृत्व सहितको ऐक्यबद्धता’ भन्ने मुल नाराका साथ १६ दिने लैङ्गिक हिंसा विरुद्धको अभियान अन्तर्गत अपाङ्गगता भएका व्यक्तिहरुको ३२औं अन्तराष्ट्रिय दिवसको अवसरमा कार्यक्रम भएको हो ।

कार्यक्रमका सहभागीले अपाङ्गता भएका ब्याक्तिहरु विभिन्न हिंसामा पर्ने गरेको गुनासो गरेका थिए । यसका लागि शान्ति सुरक्षाको प्रत्याभुति दिलाउन र अपाङ्गता भएका ब्याक्तिको पनि आत्मवल वढाउने खालका कार्यक्रममा जोड गर्नुपर्ने सहभागीको भनाइ थियो । राज्यले तोके अनुसारको सेवा सुविधाबाट पनि अपाङ्गता भएका नागरिक वन्चित हुनुपरेको सहभागीले बताए ।

यातयातको सहुलियत पनि अपाङ्गता भएका ब्यात्तिले नपाएकाले यस्ता विषयमा सरकारी संयन्त्रबाट अनुमगन हुनुपर्ने, जिल्लामा वन्ने संरचना अपाङ्गता मैत्री हुनुपर्नेमा पनि उनिहरुले जोड दिए । अपाङ्गता भएकाहरुको आत्मसम्मानमा चोट पुग्ने खालका गतिविधि गर्न नहुनेमा सहभागीको जोड थियो । अपाङ्गता भएका नागरिकलाई घरदैलोमा पुगी नागरिकता वितरण जस्ता कार्य गर्दै आएको प्रमुख जिल्ला अधिकारी दिनेश सागर भुसालले जानकारी दिए ।

हाल सम्म आठ जना अपाङ्गता भएका ब्याक्तिलाई नागरिकता वितरण भइसकेको उनले बताए । गोरखा नगरपालिकाकी नगर उपप्रमुख मसली मायाँ थोकरले नगर क्षेत्रमा मात्र एक हजार ७८ जना अपाङ्गता भएका ब्याक्ति रहेको बताइन् । एक सय ४४ जना ‘क’ वर्गको अपाङ्गता परिचयपत्र पाएको, दुइ सय ५६ ले ‘ख’ वर्ग, एक सय ७१ ले ‘ग’ वर्ग र ७० जनाले ‘घ’ वर्गको अपाङ्गता परिचयपत्र पाएको उनले बताइन् ।

नगरपालिकाले ‘घ’ वर्गका अपाङ्गता भएका ब्याक्तिहरुका लागि स्वास्थ्य विमा कार्यक्रम संचालन गर्ने योजना रहेको पनि उनले बताइन् । सामाजिक विकास शाखाका प्रमुख दिपेन्द्र परियारको अध्यक्षतामा कार्यक्रम भएको थियो । कार्यक्रममा जिल्ला समन्वय समितिका प्रमुख मोहन वहादुर थापा, गोरखा नगरपालिकाकी उपप्रमुख मसली मायाँ थोकर, प्रमुख जिल्ला अधिकारी दिनेश सागर भुसाल, एसपी अनुपम श्रेष्ठ लगायतले मन्तब्य राखेका थिए ।