गोरखाः लार्के सडक खण्ड अन्तरगत आरुघाट गाउपालिका–३ र ४ जोड्ने मोटरेवल पुल निर्माण अलपत्र परेको छ ।

६ वर्ष अघि निर्माण शुरु भएको पुलको हाल सम्म ८३ प्रतिशत मात्र काम सम्पन्न भएको छ । २०७४ साउन २१ गते कन्काइ÷गोरखा एप्रोपिएट जेभिले पुल निर्माणको जिम्मा पाएको थियो । उत्त पुलको काम २०७५ माघ भित्रै सम्पन्न गर्नुपर्ने सम्झौतामा उल्लेख छ । तर हाल सम्म ८३ प्रतिशत भौतिक र ७९.८४ प्रतिशत विक्तिय प्रगति रहेको ११ किलो छेपेटार भालुस्वाँरा बारपाक सडक योजनाका प्रमुख अमिन्द्र खड्काले बताए । ठेकेदार कम्पनीको पछिल्लो म्याद पनि गत असार २५ गते सकिएको छ ।

समयमै निर्माण सम्पन्न नगर्ने ठेकेदार कम्पनीको म्याद पुन थप्ने प्रक्रिया पनि शुरु गरिएको छ । तिन करोड ९९ लाखको लागतमा पुल निर्माणका लागि ठेक्का लागेको छ । उत्त पुल निर्माणका लागि चार पटक म्याद थप भइसकेको छ । ६ वर्षको अवधिमा पुलको स्ल्याव निर्माण सम्मको कार्य सम्पन्न भएको छ । फुटपाथ, रेलिङ, बाल र यप्रोच सडक निर्माणको काम अझै वाकीँ रहेको उनले बताए । निर्माण ब्यवसायी कामप्रति उदासिन हुदा समयमै निर्माण सम्पन्न हुन नसकेको कार्यालयले जनाएको छ । कोरोना, नदिजन्य सामाग्रीको अभाव लगायतका कारणले पनि पुल निर्माणमा ढिलाई भएको छ ।

ठेकेदार कम्पनीले काममा तदारुकता देखाए अव धेरै काम वाकी नरहेको पनि खड्काले जानकारी दिए । उत्त पुल निर्माणलाई गति दिन स्थानीयवासीले पनि पटक÷पटक माग राख्दै आएका छन् । उत्त सडक भएर धार्चे र चुमनुव्री गाउँपालिकाका स्थानीयवासी आउजाउ गर्दै आएका छन् । खोला वढेपछि आउजाउमा नै समस्या रहने भन्दै पुल निर्माण छिटो सक्न स्थानीयवासीको माग छ । उत्त पुल निर्माणका लागि आरुघाट गाउँपालिकाले पनि वारम्वार ताकेता गर्दै आएको छ । बाटो भन्दा केहि माथि वनेको पुलको वारेमा पनि स्थानीयवासीले प्रश्न गर्दै आएका छन् । पुलको डिजाइनमा कुनै समस्या नरहेको कार्यालयले बताउँदै आएको छ । टेवा पर्खाल लगायतको स्ट्रक्चरको काम सकिएपछि सवारी चल्न कुनै समस्या नपर्ने ठेकेदार कम्पनीले बताएको छ ।