गोरखाः गण्डकी गाउँपालिका स्तरीय चौथो राष्ट्रपति रनिङ शिल्ड प्रतियोगिताको उपाधि ज्ञानमार्ग माध्यमिक विद्यालयले जितेको छ ।

नौ स्वर्ण, ३ रजत र २ कास्य पदक सहित वडा नम्वर ७ को ज्ञानमार्ग पहिलो वनेको हो । ज्ञानमार्गका लागि मनिष गुरुङले एकल विधामा ४ स्वर्ण, रन्जिता विकले ३ स्वर्ण जित्दै विद्यालयको पदक तालिकलाई अघि ल्याएका थिए ।

प्रतियोगीतमा वडा नम्वर ४ को दिर्घेश्वर मावि दोस्रो वनेको छ । दिर्घेश्वरले ५ स्वर्ण, ३ रजत र ३ कास्य जितेको थियो । वडा नम्वर ८ को सुर्योदय मावि ४ स्वर्ण, ५ रजत र ५ कास्य पदक सहित तेस्रो वनेको छ ।

ज्ञानमार्ग माविका छात्रा रन्जिता विक र छात्र मनिष गुरुङ सर्वोत्कृष्ट खेलाडी वने । उनिहरुले गाउँपालिकाले घोषणा गरे बमोजिम वार्षिक एक लाख सम्मको छात्रवृद्धि पाउने छन् । तिन दिन सम्म चलेको प्रतियोगिताका विजेतलाई शनिबार गाउँपालिका अध्यक्ष दिपक तिमिल्सिनाले पदक तथा प्रमाणपत्र वितरण गरेका थिए ।