गोरखा ः ७५ औं अन्तर्राष्ट्रिय मानव अधिकार दिवसको अवसरमा गोरखा नगरपालिकामा ‘मानव अधिकार र स्थानीय सरकारको भूमिका’ विषयमा अन्तरक्रिया कार्यक्रम भएको छ ।

गोरखा नगरपालिकाका प्रमुख कृष्ण राना मगरको अध्यक्षतामा भएको कार्यक्रममा जिल्ला न्यायाधिवक्ता सुरेन्द्रराज काफ्ले र कानुन ब्यवसायी रमेश अधिकारीले सहजिकरण गरेका थिए । सोहि अवसरमा लैङ्गिक हिंसा न्यूनीकरण का लागि स्थानीय तहको भूमिका सम्वन्धी अन्तरसंवाद कार्यक्रम पनि गरिएको छ ।

गोरखा नगरपालिकाको समन्वय तथा एकिकरण नेपालको आयोजनामा भएको कार्यक्रममा गोरखा नगरपालिकाकी उपप्रमुख मसली माया थोकरले कार्यपत्र प्रस्तुत गरेकी थिइन् । लाञ्छना तथा भेदभावले सम्वन्धित ब्याक्तिमा पर्ने मनोसामाजिक असर लगायतका विषयमा छलफल केन्द्रित रहेको थियो ।

महिलाहरु सक्षम हुनुपर्ने तथा कामलाई सम्मान गर्नुपर्नेमा पनि कार्यक्रमका वक्ताहरुले जोड दिएका थिए । उत्त कार्यक्रममा नगरपालिका उपप्रमुख मसली माया थोकर लगायतका जनप्रनिनिधि, कार्यपालिका सदस्यहरु, न्यायिक समिति सदस्य लगायतको सहभागीता रहेको थियो ।

त्यस्तै लैङ्गिक हिंसा विरुद्धको १६ दिने अभियान अन्तरगत अजिरकोट गाउपालिका–५ स्थित चर्तुमाला माविमा ‘मखमली’ नामक जनचेतना मुल सडक नाटक प्रस्तुत गरिएको छ । अजिरकोट गाउँपालिकाको महिला तथा बालवालिका शाखाको आयोजनामा कार्यक्रम भएको हो ।