गोरखा ः बाल उद्धार अभियान नेपालले गोरखा नगरपालिका–८ स्थित रत्नलक्ष्मी माध्यमिक विद्यालयमा शैक्षिक सामाग्री वितरण गरेको छ ।

संस्थाले एक सय ८६ जनालाई न्यानो कपडा, १५ जनालाई कापि, कलम, ड्रेस लगायतका शैक्षिक सामाग्री वितरण गरेको विद्यालका प्रध्यानाध्यापक साधना त्रिपाठीले जानकारी दिइन् । ११ र १२ कक्षाका १० जना विद्यार्थिहरुलाई १५ हजारका दरले छात्रवृत्ति पनि वितरण गरिएको छ ।

बाल उद्धार अभियान नेपालले सो विद्यालयका विपन्न, जेहेन्दार २५ जना विद्यार्थीका लागि २÷२ महिनाको अबधिमा छात्रवृद्धि पनि वितरण गर्ने गरेको छ । विद्यार्थीको पठन पाठनमा सघाउ पुग्ने उदेश्यले छात्रवृत्ति वितरण गर्ने गरेको संस्थाका उपाध्यक्ष इन्द्र वहादुर राइले जानकारी दिए ।

सस्थाले जिल्ला गोरखा नगरपालिका, पालुङटार नगरपालिका लगायतका विद्यालयमा उत्त कार्यक्रम गर्दै आएको उनले बताए । विहिबार भएको शैक्षिक सामाग्री वितरण कार्यक्रममा विद्यालय ब्यवस्थापन समितिका अध्यक्ष रामचन्द्र आचार्य , गोरखा नगरपालिका उपप्रमुख मसली मायाँ थोकर, बाल उद्धार अभियान नेपालका उपध्यक्ष इन्द्र बहादुर राइ लगायतको सहभागीता रहेको थियो ।