गोरखाः शहिदलखन गाउँपालिका स्तरीय प्रथम शहिदलखन थापा स्मृति तथा राष्ट्रपति रनिङ शिल्ड खेलकुद प्रतियोगीता शनिबारबाट शुरु भएको छ ।

शहिदलखन गाउँपालिका–६ स्थित घैरुङमा रहेको खेलकुद मैदानमा भएको प्रतियोगीतामा पहिलो दिन दौड, भलिबल लगायतका खेल भएको गाउँपालिका शिक्षा शाखा प्रमुख राजेन्द्र खनालले जानकारी दिए । तिन दिन सम्म चल्ने प्रतियोगीतामा गाउँपालिकाको ११ माध्यमीक विद्यालयले सहभागीता जनाएका छन् ।

प्रतियोगीतामा छात्रा,छात्र अन्तरगत १४ विधाका खेल हुने खनालले जानकारी दिए । यथलेटिक्स, भलिबल, दौड जङ जम्प, सटपुट लगायतका खेल हुने छ । प्रतियोगीतामा पहिलो, दोस्रो र तोस्रो बन्ने विद्यालयले रनिङ शिल्ड र ट्रफी पाउने छन् । प्रतियोगीताको गण्डकी प्रदेशका सामाजिक विकास तथा स्वास्थ्य मन्त्री सुशिला सिंखडाले एक कार्यक्रमका विच उद्घाटन गरेकी थिइन् ।