गोरखा ःगोरखा नगरपालिका–९ स्थित महालक्ष्मी माध्यमीक विद्यालयलाई विद्यालय वस हस्तान्तरण गरिएको छ ।

आइतबार एक कार्यक्रमका विच कल्स ओवर रिजेज नेपालले विद्यालयलाई बस हस्तान्तरण गरेको हो । विद्यालय मातहत रहने गरी वस सेवा संचालन भएसँगै विद्यालयका एक सय ५० विद्यार्थीलाई सहज वन्ने विद्यालयले जनाएको छ । वस खरिदका लागि २९ लाख ८५ हजार दुइ सय रुपैया खर्च भएको छ । उत्त रकम मध्ये विमा शुल्कको ६४ हजार एक सय र यातायात दर्ता वापतको २६ हजार एक सय रुपैया गोरखा नगरपालिकाको खर्च भएको छ ।

वाँकी रकम भने कल्स ओवर रिजेज नेपालको लगानी रहेको छ । यस अघि विद्यालयले भाडाको वसबाट विद्यार्थीलाई आउजाउ गराउदै आएको थियो । आफ्नै वस सेवाबाट विरेन्चोक, हस्पीटलचोक, रोहटेपानी लगायतका क्षेत्रबाट महालक्ष्मि मावि अध्ययन गर्न जाने विद्यार्थीलाई सहज वन्ने विद्यालका प्रध्यानाध्यापक चुडामणी काप्रीले बताए । वस संचालनका लागि विद्यार्थी सँग न्यूनतम शुल्क लिइने उनको भनाइ छ । ‘तिन लटमा वसले विद्यार्थीलाई विद्यालय आउजाउ गराउने गरी ब्यवस्थापन मिलाएका छौँ,’ उनले भने ।

विद्यार्थिको सहजताका लागि कल्स ओवर रिजेज नेपालले गोरखा नगरपालिका र विद्यालय सँगको समन्वयमा विद्यालय बस खरिद गरि हस्तान्तरण गरेको हो । कल्स ओवर रिजेज नेपालले गोरखाले नगर क्षेत्रका विद्यालयका विद्यार्थीलाई दिवा खाजामा पनि सहयोग गर्दै आएको छ । महालक्ष्मि माध्यमिक विद्यालयका नौ जना विद्यार्थीका लागि छात्रवृत्ति रकम पनि उपलब्ध गराउँदै आएको छ । आइतबार एक कार्यक्रमका विच कल्स ओवर रिजेज नेपाल संस्थाकी निर्देशक साङ डोमा शेर्पाले विद्यालयलाई वस हस्तान्तरण गरेकी हुन् । कार्यक्रममा गोरखा नगरपालिकाका नगर प्रमुख कृष्ण राना मगर उपप्रमुख मसली माया थोकर, शिक्षा शाखा प्रमुख चन्द्र बहादुर खड्का,लगायतको सहभागि रहेको थियो ।