गोरखाः धार्चे गाउँपालिकामा भएको तेस्रो राष्ट्रपति रनिङ शिल्डको उपाधि प्रभात किरण माध्यमिक विद्यालयले जितेको छ ।

वडा नम्वर ७ स्थित लापुवेशीमा रहेको प्रभातकिरण माविले ७ स्वर्ण, ३ रजत, र २ कास्य गरी १२ पदक जितेको छ । त्यस्तै केरौजा मावि दोस्रो वनेको छ । ६ स्वर्ण, ४ रजत र ३ कास्य पदक प्राप्त गरि केरौजा मावि दोस्रो वनेको हो ।

लाप्राकको मणिकामादेवी मावि तेस्रो वनेको छ । मणिकामादेवीले ४ स्वर्ण, ४रजत र २ कास्य पदक जितेको छ । पहिलो हुने प्रभात किरण माविले शिल्ड मेडल प्रमाणपत्र पाएको छ । दोस्रो र तेस्रो हुनेले ट्रफि, मेडल र प्रमाणपत्र पुरस्कार पाएको छ ।

विजेतालाई गाउँपालिका अध्यक्ष लक्ष्मण गुरुङ, उपप्रमुख सुनिला गुरुङ लगायतले पुरस्कार वितरण गरेका थिए । तिन दिन सम्म चलेको प्रतियोगितामा नौ विद्यालयको सहभागीता जनाएका थिए ।