गोरखाः गोरखा नगरपालिका स्तरीय राष्ट्रपति रनिङ शिल्ड खेलकुद प्रतियोगीता सोमबारबाट शुरु भएको छ ।

गोरखा नगरपालिका स्थित छवेटारमा रहेको खेलकुद मैदानमा भएको प्रतियोगीतामा पहिलो दिन दौड, भलिबल लगायतका खेल भएको तारा माविका शिक्षक रमेश बिष्टले जानकारी दिए । तिन दिन सम्म चल्ने प्रतियोगीतामा नगरपालिकाको १९ माध्यमीक विद्यालयले सहभागीता जनाएका छन् ।

प्रतियोगीतामा छात्रा,छात्र अन्तरगत १५ विधाका खेल हुने छ । यथलेटिक्स, भलिबल, दौड, लङ जम्प, सटपुट लगायतका खेल हुने छ । प्रतियोगीतामा पहिलो, दोस्रो र तेस्रो बन्ने विद्यालयले रनिङ शिल्ड, प्रमाणपत्र, मेडल र ट्रफी पाउने छन् । प्रतियोगीताको गोरखा नगरपालिकाका प्रमुख कृष्ण राना मगरले एक कार्यक्रमका विच उदघाटन गरेका थिए ।

उत्त कार्यक्रममा गोरखा नगरपालिका–१० का वडा अध्यक्ष प्रदिप कुँवर, शिक्षा शाखा प्रमुख चन्द्र बहादुर खड्का, जनप्रतिनिधिहरु लगायतका सहभागिता रहेको थियो ।